Luka 1:72 - Baibo Busansulushi Bwa Libuku Ili

⁷² Wakaamba ayi ulaakunyumfwila nkumbu bamashali besu bakulukulu alimwi teshi akalubeeko cipangano cakwe cisalalite.

Luka 1:72 교차 참조

Kulumbaisha 106:45

Mukubacafwa wakeebaluka cipangano cakwe, alimwi ceebo ca lusuno lwakwe lutamaani wakabooshaamo moyo.

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Bene Lefi 26:42

ndaakwiibaluka cipangano cangu capali Jakobo, Isaki alimwi aAbulaamu. Lyalo ndaakulasha kupa bantu bangu cishi kweelana ambondakabalasha kataanshi.

Bene Loma 11:28

Ono mukwiinga baJuda balakaka Makani Abotu, mbalwani bakwe Lesa. Ici calengesha kwaamba ayi mwebo nobaswamashi bakunsengwe mupulushikwe. Ceebo Lesa wakabasala, balisunikwi kuli nguwe, mukwiinga wakapangana abamashali babo bakulukulu.

Esekelo 16:60

Nakubi boobo ndaakwiibaluka cipangano ncendakapanga andiwe koocili cikula bwangu alimwi ndaakupanga cipangano citamaani andiwe.

Matalikilo 28:14

Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.

Matalikilo 26:4

Ndaakukupa bamulunyungu lwako baanji bweenka mboobona nyenyeenshi mwiculu, alimwi ndaakubapa cishi coonse ici. Ndaakupa coolwe mishobo yoonse pacishi ca panshi kwiinda mubamulunyungu lwako

Esekelo 16:8

“ ‘Ndindakeendilako lwabili, ndakakulanga akubona ayi wakomena cakweelela kweebwa. Lyalo ndakafungulula cisani cangu nkocibetele kweela akukufweka ayi utanokweenda matakosha. Ndakashomesha cakulumbila kuli ndiwe akupanga cipangano andiwe. Kuswawaawo wakaba waangu. Nebo neMwaami Lesa Shinkusu shoonse ndaamba.

Kulumbaisha 111:5

Ngoopa shakulya bantu bamulemeka. Uleebaluka cipangano cakwe ciindi coonse

Kulumbaisha 98:3

Wakalama cipangano cakwe kubene Isilaeli. Wakashomeka akutondesha lusuno lwakwe lutamaani kuli mbabo. Lupulusho lwakwe Lesa wesu, bantu boonse mucishi coonse balubona.

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Kulumbaisha 105:42

Ceebo wakeebaluka kushomesha kwakwe kusalalite, uko nkwaakalumbila kuli Abulaamu musebenshi wakwe.

Bene Loma 9:4

Aba mbene Isilaeli abo Lesa mbaakasala ayi babe bana bakwe akubabonesha bulemu bwakwe. Lesa wakapanganaabo shipangano alimwi akubapa Milawo. Wakabeeisha mbobeelete kumulambila akubalasha shintu nsheshi akabacitile.

1 Makani 16:16

Ulaakulama cipangano ncaakapanga aAbulaamu, kushomesha nkwaakalumbila kuli Isaki.