Luka 1:58 - Baibo Busansulushi Bwa Libuku Ili

⁵⁸ Bashimukobonyina abamakwabo ndibakanyumfwa mbuli Lesa mbwaakacitila nkumbu shiinji Lisabeti bakasekelela pantu pomwi anguwe.

Luka 1:58 교차 참조

Bene Loma 12:15

Amusangalale abaabo basangalete alimwi mulile abaabo batoolila.

Luka 1:25

“Lesa ono wanyumfwila nkumbu wankusha nsoni pameenso a bantu.”

Luka 1:14

Ulaakukondwa akusangalala alimwi abantu baanji abalo balaakusekelaamo ceebo cakushalwa kwakwe.

1 Bene Kolinto 12:26

Na comwi cipansha caciswa, shoonse shipansha shimwi shilaciswa. Ncakwiila na cipansha comwi calemekwa, shipansha shimwi shoonse shilasekelela pantu pomwi.

Kulumbaisha 113:9

Lakwe ngoopa baana kuŋumba muŋanda yakwe, ee, akumulengesha kusangalala kwiinda mukumupa baana. Amulumbaishe Mwaami Lesa!

Matalikilo 21:6

Saala wakaamba ayi, “Lesa wanengesha nseko. Boonse beshi bakanyumfwe cikani ici balaakuseka anebo.”

Matalikilo 19:19

Mwanyumfwila kale nkumbu alimwi mwapulusha buumi bwangu. Ono kutulundu kwalaampisha kucicilaako. Kunyonyoolwa uku kutooncanikisha akuncaya kaantana kushika kutulundu.

Luka 1:57

Ndicakashika ciindi ceelete, Lisabeti wakapulukaamo mwaana musankwa.

Luka 14:12

Lyalo Jesu wakaambila wakabeeta uyo ayi, “Na mweeta bantu mukulyaanu cakulya ca malumwi nabi ca macolesha, muteeti babyaanu, banandumi shanu, bakwabanu nabi beshimukobonyinaanu babile, mpashi abalo inga bamwiita bweenka ubo, aboobo mulaakulipilwa paceeco ncemwaacita.

Tushimpi 23:25

Lengesha baiso abanyoko kukondwa pali ndiwe ee, banyoko abo bakakuyamwisha abasangalale.