Luka 1:17 - Baibo Busansulushi Bwa Libuku Ili

¹⁷ Joni ulaakuya kunembo lya Mwaami alimwi ulaakunoocite nkusu mbuli shakalinga kucite mulaluki mukulukulu Elija. Ulaakuleta lunyumfwano pakati ka baana abamaishiwabo alimwi. Ulaakusandula bantu batanyumfwi kwaamba ayi babe amiyeeyo mbuli ya baluleme. Ulaakubamba bantu bakwe Lesa ayi banoolibambite kumusebensela.”

Luka 1:17 교차 참조

Mateyo 11:14

Aboobo na kamusuni kushoma maswi abo, Joni ngoElija uyo wakaambwa ayi ulaakwisa.

Luka 1:76

Webo omwanaangu ulaakwiitwa ayi ndiwe mulaluki wakwe Lesa wa kwiculu Wiindaawo, mukwiinga webo ulaakululamikila Mwaami nshila, lakwe kaatana kwisa.

Joni 3:28

Mwebo nobeene inga mwambeta bakamboni mucikani ncendakaamba ayi, ‘Teshi ndime Usalitwe wakwe Lesa, sombi ndakatumwabo kunembo lyakwe.’

Kulumbaisha 78:8

Teshi bakabe anga mbamashali babo bakulukulu, abo beshicimpamya alimwi lishalane lyaashu, abo batakalinga kucinkite manungo muli Lesa cakushinisha, ncakwiila batakalinga kucite myoyo ishomeka kuli nguwe.

1 Makani 29:18

Ono noBaami baLesa, baLesa bakwe Abulaamu, Isaki alimwi aJakobo bamashali besu bakulukulu, lyoonse amulame kuyandishisha kuli mumyoyo yabo uku akulengesha ayi batolelele kushomeka kuli ndimwe.

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Bene Kolose 1:12

mulyeelete kunoolumba Lesa Ishiwesu uyo wakamulengesha ayi mube bantu beelete kutambula shipo isho nshaasungila bantu bakwe, muBweene bwakwe busalalite.

Kulumbaisha 111:10

Kuloonda Mwaami Lesa ngomatalikilo a busongo. Boonse abo bakonkela milasho yakwe mbobacite lushibo lwiine lwiine. Aalumbaishikwe lyoonse alyoonse.

2 Timoti 2:21

Na muntu walisalasha akushiya shintu shitaluleme isho, ulaba mbuli cisebensesho ca ciindi ceelete mukwiinga walyaaba kuMwaami wakwe kwaamba ayi amusebenseshe mumicito ibotu ili yoonse.

Isaya 29:24

Paciindi ico baluya balaakuba amaano, abalo abo beshikunootongookabo balaakusumina kwiishikwa.”

Bene Loma 9:23

Wakacita boobo kwaamba ayi ayubulule bulemu bwakwe bwancinencine kuli ndiswe, sotwakanyumfwilwa nkumbu akubambilwa limwi ayi tukatambuleko bulemu ubu.

Milimo ya Batumwi 10:33

Mpomunyaawo ndakatuma bantu kuli ndiwe alimwi wacita kabotu kwisa. Ono soonse bulya tuli pameenso akwe Lesa kwaamba ayi utulwiite makani oonse ayo ngaakubambila Mwaami Lesa.”

Joni 1:34

Ono nebo nemwiine ndalibonena alimwi nceceeco ncendaambila cakutatonsha ayi, ‘Uyu nguMwanaakwe Lesa!’ ”

Joni 1:13

Kuba bana bakwe Lesa uku, takukwe kuswa kubashali. Nkokwaamba ayi takukwe kuswa mukuyanda kwa muntu, sombi bakashalwa munkusu shakwe Lesa.

Luka 1:16

Ulaakuboosha bene Isilaeli baanji kuMwaami Lesa wabo.

Mateyo 14:4

Mukwiinga Joni wakalinga kwaambila Elodi ayi, “Mulawo tausuminishi ayi webo umweebe.”

Amosi 4:12

“Ono bulya nobene Isilaeli, ntoomupa mulandu. Ono mukwiinga ntoocita boobo kuli ndimwe, amulibambile koomboloshekwa andime neLesa wanu.”

Kulumbaisha 10:17

Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.

2 Makani 29:36

Lyalo Mwaami Esekiya abantu bakwe boonse bakasangalala mukwiinga Lesa wakabacafwa kwaamba ayi bamanishe mulimo uyo cakufwambaana.

1 Baami 21:20

Lyalo Aabu ndyaakabona Elija wakaamba ayi, “Sa te wancanikisha kale omulwani wangu?” Elija wakakumbula ayi, “Ee, ndamucana, mwebo nomucilibengetebo kukucita shintu shibiibi pameenso a Mwaami Lesa.

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

1 Joni 2:28

Ee, nobana bangu, amukalilile muli nguwe, kwaamba ayi pabushiku ndyeshi akese, tukabule kunyumfwa boowa ansooni.

Mateyo 3:4

Joni wakalinga kufwala shakufwala shakapangwa abooya bwa ngamela alimwi alaamba wacipaya mubukome. Wakalinga kulyabo nsoshi abuuci.

2 Baami 1:16

akumwaambila ayi, “Mwaami Lesa waamba ayi, ‘Sa nceebo cakwaamba ayi taamu Lesa muIsilaeli ncemutooita mukwiipusha kuli Baali Sebubu, lesa wa kuEkiloni?’ Paceebo ceeco teshi mukabukeewo kuswa pabulo bwanu apo, ncakwiila mulaakufwa!”

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

1 Samwelo 7:5

Mpeeke Samwelo wakaamba ayi, “Amubunganye bene Isilaeli boonse kuMisipa kwaamba ayi nkabapailileeko kuMwaami Lesa uko.”

Mateyo 3:3

Isaya mulaluki mukulukulu wakalinga kwaamba Joni, ndyaakaamba ayi, “Muntu umwi utokoolobesha muluyanga ayi, ‘Amubambe nshila ya Mwaami. Amumululikile nshila.’ ”