Kulumbaisha 97:7 - Baibo Busansulushi Bwa Libuku Ili

⁷ Abo boonse balambila shibumbwabumbwa balalenshekwa nsoni, ee, abo boonse balyuuma mucaamba ceebo ca shibumbwabumbwa. Abalo balesa balafukama kunembo lya Mwaami Lesa mukumulambila.

Kulumbaisha 97:7 교차 참조

Bene Ebulu 1:6

Sombi Lesa ndyaakalinga kutuma Mwanaakwe wakwiiya mucishi ca panshi, wakaamba ayi, “Baanjelo bakwe Lesa boonse balyeelete kunoomulambila.”

Jelemiya 10:14

Boonse mbaluya alimwi tabacite lushibo. Beshikufula golodi boonse balicite nsoni ceebo ca shibumbwabumbwa shabo. Balesa babo mbabubeshi alimwi tabayooyi.

Isaya 42:17

Sombi abo bacinkite manungo mushibumbwabumbwa, ee, baamba shikoshanyo isho ayi balesa besu, balaakusebaanishikwa akulenshekwa nsoni.”

Bene Lefi 26:1

Lyalo Mwaami Lesa wakaamba ayi, “Mutanoopanga shibumbwabumbwa, nabi shintu sha mabwe, nabi mabwe akubesa ayi munooshilambila. Nebo ndime Mwaami Lesa, Lesa wanu.

Kulonga 20:4

“Utalipangili shibumbwabumbwa shikoshanya ashintu sha kwiculu, mucishi ca panshi, nabi shili mumaanshi panshi lya cishi.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

Isaya 41:29

Balesa boonse aba mbakubeca. Taaku ncebakonsha kucita nabi comwi. Shibumbwabumbwa taaku mboshibete, ngumuuwobo.”

Dutolonomi 27:15

‘Aashinganishikwe muntu uli woonse uyo upanga cibumbwabumbwa cakubesa nabi ca ceela akunoocilambila cabushishi, ceebo Mwaami Lesa ulipatite kulambila shibumbwabumbwa.’ “Mpeeke bantu boonse balaakwaamba ayi, ‘Ameni!’

Dutolonomi 5:8

“ ‘Utalipangili shibumbwabumbwa shikoshanya ashintu sha kwiculu, mucishi ca panshi, nabi shili mumaanshi panshi lya cishi.

Kulonga 25:20

Shilyeelete kulangana pacifwekesho, cimwi kweela acimwi kweela, ono mapapaminwa a nshisho alyeelete kunoofungulukite peculu lya cifwekesho.

1 Samwelo 5:3

Macuunsacuunsa ndibwakaca bene Ashidodi bakacana cibumbwabumbwa cakwe Dagoni cawa cakuya mukuumawo cameenso panshi kunembo lya Libokoshi lya Cipangano ca Mwaami Lesa. Mpeeke bakacibusha akuciboosha mumusena wa ncico.

Isaya 42:7

Ndakusala kwaamba ayi ulengeshe boofu kubona, kwaangulula bakaili bali muntolongo alimwi akukusha baabo bali mumunshinshe.

Isaya 45:16

Boonse beshikubumba shibumbwabumbwa balaakulenshekwa nsoni akusebaanishikwa. Ncakwiila boonse balaakuloka shiwa abuumbi.

Jelemiya 2:26

Mwaami Lesa waamba ayi, “Bweenka mwiipi mbwaasebaanishikwa na wacatwa, mbweeke ubo amwebo nobene Isilaeli mbweshi mukasebaanishikwe. Nkokwaamba ayi mwebo nobeene, bamaami banu abacinenenene, bapailishi babo pantu pomwi abalaluki.