Kulumbaisha 97:10 - Baibo Busansulushi Bwa Libuku Ili

¹⁰ Abo basuni Mwaami Lesa abapate bubi, mukwiinga ulalama buumi bwa baabo bashomeka kuli nguwe. Ulabafuna kuswa kunkusu sha bamucita shibi.

Kulumbaisha 97:10 교차 참조

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Kulumbaisha 145:20

Mwaami Lesa ulatabilila boonse abo bamusuni, sombi bamucita shibi boonse ulaakubanyonyoola.

Kulumbaisha 34:14

Ulyeelete kusanduka kuswa kushibiibi, akutalika kucita shiluleme. Ulyeelete kuyandoola akukonkela luumuno.

Jelemiya 15:21

Ndaakukufuna kuswa munkusu sha bamucita shibi akukulubula kuswa mumaansa a beshilunkutwe. Nebo neMwaami Lesa ndaamba.”

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Danyelo 3:28

Lyalo mwaami wakaamba ayi, “Aalumbaishikwe Lesa wakwe Shadileki, Mishaki awakwe Abedinego! Wakatuma munjelo wakwe kwaamba ayi afune basebenshi bakwe. Bakacinka manungo muli nguwe akusuula mulawo wangu nemwaami. Bakalinga kulibambite kufwa kwiinda kusebensela akulambila lesa umwi, sombibo Lesa wabo.

2 Bene Tesalonika 3:2

Kamutupaililaako alimwi ayi Lesa atufuune kubantu babiibi, ceebo teshi bantu boonse bashoma Makani Abotu.

Tushimpi 2:8

Ngootabilila nyendelo sha bantu bacita shiluleme. Ee, ngootabilila nshila sha baabo bashomeka.

Kulumbaisha 31:23

Anu amusune Mwaami Lesa nobantu bakwe bashomeka. Mwaami Lesa ulafuna bantu bashomeka, sombi balisumpula ulabalambula kweelana abubi bwabo.

1 Joni 5:18

Tulishi kwaamba ayi woonse mwanaakwe Lesa taatoleleli kubisha mukwiinga Jesu Mwanaakwe Lesa ulamulama kabotu. Aboobo Mubiibi taakoonshi kumukumya.

1 Joni 4:19

Tulisunene mukwiinga Lesa ngowakataanguna kutusuna.

1 Pita 1:5

Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Danyelo 6:27

Ulafuna akupulusha, ulacita shitondesho sha nkusu sha kwiculu ashaankamiko kwiculu alimwi apacishi ca panshi. Wakapulusha Danyelo kuswa kumilomo ya nkalamu.”

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

1 Bene Kolinto 8:3

Sombi muntu usuni Lesa ulishibikitwe kuli nguwe.

Isaya 45:17

Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”

Tushimpi 3:7

Kuteelesha kuliyeeyela ayi ulicite busongo, sombi koloonda Mwaami Lesa akutalamuka kushibiibi.

Kulumbaisha 125:3

Bamucita shibi teshi bakatolelele kweendelesha mucishi ca baluleme. Ceebo na batolelela, baluleme abalo inga batalika kucita bubi ubo.

Kulumbaisha 119:163

Ndipatite akucimwa bubeshi buli boonse, sombi milawo yanu yalo ndiisuni.

Kulumbaisha 91:14

Mwaami Lesa utokwaamba ayi, “Ndaakupulushabo baabo bansuni, akufuna baabo bashoma muliina lyangu.”

1 Pita 1:8

Ono nabi tamukwe kumubonawo kale, mulimusuni. Mulamushoma nakubi kwaamba ayi tamumubooni. Aboobo mulasekelela abuumbi cakubula amaswi eenga asansulula kusangalala uko,

Bene Loma 7:24

Maawe akomena mapensho! Anu ngani eshi akamfuneeko kubuumi ubu butoontola kulufu?

Bene Loma 7:15

Nshishi na nciinshi nceencita ceebo nshiciti ceeco nceensuni ayi ncite, sombi ndacita ceeco nceempatite.

Danyelo 6:22

Lesa wangu watuma munjelo uyo wacala milomo ya nkalamu. Tashikwe kuncisaawo napaceyuubo ceebo ndacanika ayi nshicite mulandu pameenso akwe alimwi nshikwe kucitawo cilubo nabi comwi kuli ndimwe, nobaami.”

Kulumbaisha 119:104

Ndaba abusongo kuswa mumilasho yanu. Aboobo ndipatite nshila yoonse ibiibi.

Kulumbaisha 101:3

alimwi teshi nkasuminisheewo cintu cibiibi pameenso angu. Ndipatite micito ya bantu bafutatila Lesa. Ncakwiila tatunyumfwani abantu abo.

Kulumbaisha 36:4

Balo nabi balilete pabulo mulimo wabo nkupanga miyeeyo ibiibi. Taaku cintu cibotu nabi comwi ncebacita, alimwi taaku cintu cibiibi cili coonse ncebakakaawo.

Kulumbaisha 121:7

Mwaami Lesa ulaakukufuna kushintu shoonse shikonsha kukucisa. Ndushinisho ngweshi akalame buumi bwako.

Amosi 5:14

Kamuyandoola shibotu kuteshi shibiibi kwaamba ayi mwikale ciindi cilaamfu. Lyalo Mwaami Lesa Shinkusu shoonse ulaakunooli amwebo bweenka mbomwaamba lyoonse ayi tuli akwe.