2 Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.
Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.
Kumatalikilo Lesa wakalenga liculu acishi ca panshi.
“Nebo ndime Matalikilo alimwi aMamanino,” mbwaamba Mwaami Lesa Shinkusu shoonse, uyo uliiwo, wakalingaawo alimwi weshi akanooliiwo.
NoBaami baLesa cuuna canu ca bwaami cakabambwabo kalekale. Mwebo nkomuli kuswabo lili alili.
NoBaami baLesa kuswa kumatalikilo muli baLesa. Mwebo ndimwe baLesa bangu Basalalite batafwi. Mwebo noBaami baLesa ndimwe mwakasala bene Babiloni kwaamba ayi bese batupeenshe ceebo ca mulandu wesu. Ncakwiila mwebo noMwaandami wesu mwakababika ayi batwaanishe.
Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.
Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.
Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.
“Sa utooyeeya ayi ndiwe wakataanguna kushalwa? Sa webo uli mutaanshi kulengwa tulundu katutana?
Ee, muntu uyo ushoma muli wooyo wakalenga liculu acishi ca panshi. Lesa uyo wakalenga lweenge ashoonse shili mushintu isho. Mwaami Lesa uyo ulashomeka kwalyoonse alyoonse.
Sombi lusuno lwa Mwaami Lesa ndwamuyayaya kubaabo bamulemeka. Ulatondesha bululami bwakwe akubamulunyungu lwabo boonse.
Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”
“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.
Aboobo Aloni wakeetandabika pamaanshi oonse. Mpeeke mwakaswa babombwe akukumanabo cishi coonse ca Ijipiti.
Tatukoonshi kunyumfwisha nkusu shiinji shakwe Lesa. Ayalo myaaka yakwe tatukoonshi kwiibelenga napaceyuubo.
Mulaakunyamuka akunyumfwila nkumbu pandabala inene ya Siyoni, mukwiinga ciindi cakwiilekelela cashikila. Ee, ciindi ceelete cashikila.
“Kaanceebela shuuna sha bwaami shakabambwa, lyalo Lesa walyoonse alyoonse wakekala pacuuna comwi. Shakufwala shakwe shakalinga kutuba anga ncaandwa. Misusu yakwe yakalinga kutuba anga mbutonge. Cuuna cakwe ca bwaami cakalinga kubilimabo mulilo aalo mawilo a ncico akalinga kunyaka.
