12 Amutwiishe buumi bwesu mbobubete kufwiimpa. Ee, amutwiishe kwaamba ayi tube basongo.
“NoBaami baLesa, amumboneshe kweela buumi bwangu. Ee, mbone kuceya kwa nshiku shangu. Anshibe kufwiimpa kwaciindi ca buumi bwangu.”
Kulilabo kalicili malumwi tulyeelete kucita milimo ya wooyo wakantuma. Ciindi ca mashiku citooshikila muntu ndyaatakoonshi kusebensa.
Bakaalilwa kwishiba ncebakakomenwa, tabakoonshi kunyumfwa cakacitika kuli mbabo.
Busongo ncecintu ciindaawo pashintu shoonse, aboobo ulyeelete kuba abusongo. Pashintu shoonse isho nsheenga wabaasho, ulyeelete kwiilikaawo amaano akunyumfwisha shintu.
Mulimo woonse wapolela mumaansaako, usebense cankusu mukwiinga mucuumbwe momutooya taaku kusebensa, kupanga miyeeyo, lushibo nabi busongo.
Ubike moyo wako kumilasho akuteya matwi ako kumaswi a lushibo.
Teya kutwi akunyumfwa tushimpi twa basongo. Shoonse nsheenjiisha ushibike mumoyo
Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.
Ba abusongo alimwi ube amaano akunyumfwisha shintu. Kuteelesha kuluba maswi angu nabi kwaasuula napaceyi.
“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”
Lushinisho, busongo, kulilemeka amaano akunyumfwisha shintu nshamakwebo abuumbi alimwi shilyeelete kuulwa, sombi tasheelete kuulishikwa.
Inshiku sha buumi bwangu mwashifwiimpisha, Myaaka ya buumi bwangu njiniini abuumbi pameenso anu. Ncakwiila buumi bwa muntu uli woonse buli anga nkuyoya kwalinkanda lyomwi.
Ncibotu kuya kuŋanda ya malilo kwiinda kooko kuli kusekelela mukwiinga lufu ngomeelelesho a muntu uli woonse. Bantu boomi balyeelete kuyeeya pacikani ici.
