12 Mukwiinga Lesa ulabona bapenga, Taasuuli kulila kwa bali mumapensho, alimwi ulapa mulandu abo bababishisha.
Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.
Mupenshi ndyaakasenga, Mwaami Lesa wakamukumbula akumanisha mapensho akwe oonse.
Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”
Na muntu watila bulowa bwa mubye, ulaakupekwa mulandu. Ndaakupa mulandu akucaya munyama uli woonse ucaya muntu.
Amubone Mwaami Lesa ulaakuswa muŋanda yakwe ya kwiculu kwisa mukupa mulandu bantu bamucishi ca panshi ceebo ca shibiibi shabo. Cishi ca panshi cilaakuyubulula bulowa bwakatilwa muli ncico. Teshi cikashiseewo abo bakacaikwa.
Mwaami Lesa taasuuli bakandu, nabi kusuula mapensho abo. Tabafutatiliiwo napaceyi, sombi ulabanyumfwila ndibasenga lucafwo.”
Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.
Ulaakunyumfwa kusenga kwa bantu bakwe abo mbwaakafutatila, alimwi ulaakukutika mipailo yabo.
Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.
Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.
Wakacaya bantu baanji abo batacite milandu muJelusalemu. Paceebo ceeco Mwaami Lesa taakwe kumulekelela.
Ncakwiila kulila kwa bantu bangu ndakunyumfwa, alimwi ndaboona abene Ijipiti mbobatoobapensha.
Aboobo mulaakupekwa mulandu ceebo ca bantu baluleme boonse bakacaikwa, kutalikila kuli Abelo uyo muntu ululeme kushikila kuli Sekaliya mwanaakwe Belekiya, uyo ngomwakacaila muŋanda yakwe Lesa pakati ka Musena Usalalite alimwi acipaililo.
Mwaami Lesa wakashika kumusena wakwe usalalite kuswa kuSinayi. Wakesa ashikoci sha maaki sha nkondo shili shuulu ashuulu.
Amwiibaluke bantu banu, abo mbomwakalisalila kalekale, mushobo uyo mwebo ngomwakafuna, kwaamba ayi ube waanu. Amwiibaluke Kalundu ka Siyoni apo mpomwakalinga kwikala.
Nkomunya uko wakatyoloola mifwi inyaka mulilo, mayawo alimwi amipeeni, ncakwiila ashakulwanisha nkondo shoonse.
Mwaami Lesa wakasala Siyoni, kwaamba ayi ŋanda yakwe ibe mumo.
Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.
