Kulumbaisha 89:4 - Baibo Busansulushi Bwa Libuku Ili

⁴ ‘Bwaami bulaakwikalilila pabamulunyungu lwako. Ndaakulengesha ayi buleelo bwako bukabule kumana mumashalane oonse acisa.’ ”

Kulumbaisha 89:4 교차 참조

Kulumbaisha 132:12

Na bana bako basankwa bakalaame cipangano cangu alimwi na bakakonkele kwiisha kwangu, bwaami bwako bulaakunoolibo pabamulunyungu lwabo kwalyoonse alyoonse.”

1 Makani 22:10

Mwaana uyo ngweshi akanjakile Ŋanda. Ulaakuba mwanaangu, anebo ndaakuba baishi alimwi ndaakulengesha cuuna cakwe ca bwaami ayi cikanooliikobo lyoonse alyoonse.’ ”

1 Baami 9:5

ndaakucita kweelana ambondakashomesha iso Defedi ndindakamulwiita ayi bene Isilaeli bananoolelwabo abamulunyungu lwakwe lyoonse.

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”

Bene Loma 15:12

Alakwe Isaya mulaluki mukulukulu wakaamba ayi, “Umwi wa mulunyungu lwakwe Jese ulaakwisa. Lesa ulaakumubusha kwaamba ayi eendeleshe baswamashi bakunsengwe alimwi ulaakulengesha ayi banoolangila nguwe.”

Sekaliya 12:8

Pabushiku ubo nebo neMwaami Lesa ndaakutabilila bantu bekala mundabala ya Jelusalemu kwaamba ayi abo batacite nkusu pakati kabo bakabebo ankusu bweenka mbuli Defedi. Abalo bamulunyungu lwakwe Defedi balaakunoobatanjililabo anga ngumunjelo wangu neMwaami Lesa, ee, anga ndime nemwiine neentoobatanjilila.

Kulumbaisha 89:36

Lunyungu lwakwe lulanooliikobo kwalyoonse alyoonse. Cuuna ca bwaami bwakwe cilaakukalilila pameenso angu, kulilabo lisuba kalicibala.

Kulumbaisha 89:29

Bwaami bulaakwikalilila pabamulunyungu lwako. Buleelo bwako teshi bukamaane kushikila liculu likamaane.

Kulumbaisha 89:1

NoBaami baLesa, lyoonse ndaakwiimba lusuno lwanu lutamaani, alimwi ndaakwaamba pakushomeka kwanu mumashalane oonse acisa.

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

2 Samwelo 7:29

Ono ndamusenga ayi mupe coolwe bamulunyungu lwangu kwaamba ayi batolelele kwikala mulusuno lwanu. Mwebo nobeene noBaami baLesa Beshinkusu shoonse ndimwe mwashomesha kucita shintu shoonse ishi. Aboobo mulaakunoopa shoolwe bamulunyungu lwangu lyoonsebo.”

1 Makani 28:4

“Mwaami Lesa, Lesa wa bene Isilaeli, wakasala ndime abamulunyungu lwangu kwaamba ayi noolela cishi ca Isilaeli kwalyoonse. Wakasala bamukowa wakwe Juda ayi kababatanjilila. Lyalo mumukowa wakwe Juda wakasala bamuŋanda ya bata. Pabamuŋanda ya bata cakamukonda kubika ndime pabwaami bwa bene Isilaeli.

Kulumbaisha 89:50

NoBaami baLesa, amwiibaluke nemusebenshi wanu mboonsekwa ee, mboondishishibisha kumatushi aswa kumishobo ya baswamashi.

Kulumbaisha 132:11

Mwaami Lesa wakashomesha cakulumbila kuli Defedi. Kushomesha uko nkweshi akabule kupilula. Wakashomesha ayi, “Womwi pakati ka bana bako basankwa ulaakulela kuswa ndiwe.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.