1 Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,
Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.
Mwakatanjilila bantu banu anga nditanga lya mbelele, Mwakabatanjilila kwiinda muli Mose aAloni.
Bulemu bwakwe Lesa bulabala kuswa muSiyoni, ndabala inene iyo ibotu cakushika peela kubota.
Mwaami Lesa ulalela, bamumishobo yoonse abatutume. Ulishiite pakati ka bakelebu, cishi ca panshi acitenkaane.
Mwakalinga anga nimbelele shakasoweka, sombi bulya mwaboola kuMweembeshi uyo utanjilila buumi bwanu.
Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.
Defedi wakanyamuka abashilumamba boonse mbwaakalingaabo akuya kuBaala muJuda ayi bakaleteeko Libokoshi lya Cipangano ca Mwaami Lesa. Libokoshi ilyo lyeenka ndyeliitwa liina lya Mwaami Lesa Shinkusu shoonse uyo ukala pakati ka shintu shicite mapapaminwa shiitwa ayi bakelebu peculu lya ndilyo.
Mpeeke bakatuma bantu kuShilo ayi bakalete Libokoshi lya Cipangano ca Mwaami Lesa Shinkusu shoonse, uyo ucite cuuna cakwe ca bwaami pakati ka shintu shicite mapapaminwa shiitwa ayi bakelebu. Ofini aFineyasi bakesa abalo pantu pomwi aLibokoshi lya Cipangano.
Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.
Lyalo mumuni utowa uyo utondesha bulemu bwa Mwaami Lesa wakanyamuka akuya mwiculu kuswa pabakelebu kumwinjililo wa Ŋanda yakwe Lesa. Likumbi lyakesusha Ŋanda iyi. Alwalo lubansa lwa njiyo loonse lwakesulabo mumuni wa bulemu ubo.
Pesule bantu bakwe bakeebaluka nshiku shikulukulu, ee, nshiku shakwe Mose abantu bakwe akwiipusha ayi, “Anu uli kuli ulya wakabaleta akubeensha mulweenge kwiinda muli Mose mutanjilili wa likoto lyakwe? Uli kuli ulya wakabika Mushimu Usalashi pakati kabo?
Buka webo Jelusalemu ubale anga ndisuba. Ceebo bulemu bwa Mwaami Lesa buli pali ndiwe!
NobaLesa Beshinkusu shoonse, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.
NobaLesa, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.
Ono na Mweembeshi Munene akese, mulaakutambula mushini wa bulemu uyo weshi ukabule kumana.
Nebo ndi mweembeshi mubotu, ndishi mbelele shangu ashalo shilinshi.
“NobaLesa, amukutike mupailo wangu akusenga kwangu nemusebenshi wanu. Amulengeshe kwaamba ayi Ŋanda yanu italike kusebenseshekwa alimwi. Amucite boobo kwaamba ayi bantu boonse bakeshibe ayi mwebo ndimwe baLesa.
uko nkondakabona mumuni utowa uyo utondesha bulemu bwakwe Lesa wa bene Isilaeli koosa kuswa kwicwe. Liswi lyakwe lyakalingabo anga nkupoota kwa maanshi atookunka. Cishi ca panshi cakabeka kumumuni utowa uyo wakalinga kwisa.
Shilengwa isho shakalinga kubonekabo anga ngamakalangasha a mulilo atoonyaka nabi cimunimwenge. Mulilo wakalinga kweenda kuya kunembo akuboola kwisule pashilengwa isho. Kwakalinga kutuba alimwi kuswa mumulilo uyo mwakalinga kuswa mabeebe.
Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.
NoBaami baLesa, ndimwe mupa milandu, amubooshe cishole kubamucita shibi.
NoBaami baLesa Beshinkusu shoonse, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.
Wakakaka bamulunyungu lwakwe Josefu, alimwi taakwe kusala mukowa wa bene Efuleemu.
Lyalo wakakusha bantu bakwe anga ngumweembeshi, akubatanjilila muluyanga anga nimbelele.
NobaLesa, amumpulushe! Maanshi ashika munshingo.
NobaLesa ncakwiila mwebo mwatukaka, mwatunyonyweeta shitufuna. Ee, mwatufutatikila moyo. Ono amutubooshe kumubili alimwi.
NobaLesa amunyumfwe mupailo wangu, mutabiki minsuula kukusenga kwangu.
Moyo wangu uliswitebo maswi abotu, ndilibambite kwiimbila mwaami. Mulaka wangu ulibo anga ncakulembesha ca shikulemba ucibwene.
NoBaami baLesa, amuteye matwi kumaswi angu, amunyumfwe kutongela kwangu.
Sa cilamukonda kundyatilila akunsebaanya nemulimo wa maansaanu, sombi kamukondwa milimo ya bamucita shibi?
akupaila ayi, “NoBaami baLesa, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.
Wakaamba ayi, “Mwaami Lesa wakaswa kuKalundu ka Sinayi. Wakaboneka anga ndisuba kuEdomu akumunikila bantu bakwe kuswa kuKalundu ka Palani. Wakesa abaanjelo bali shuulu likumi, kululyo lwakwe kwakalinga kunyaka mulilo.
Lesa Shinkusu shoonse, Mwaami Lesa utokwiita cishi coonse. Utokwiita bantu kuswa kooko lisuba nkoliswita kuya mukushika ankolipilila.
