Kulumbaisha 71:22 - Baibo Busansulushi Bwa Libuku Ili

²² Ndaakumulumbaisha akalumbu ceebo cakushomeka kwanu nobaLesa bangu. Ndaakunokwiimba akalumbu mukumulumbaisha ndimwe noMusalalite ba bene Isilaeli.

Kulumbaisha 71:22 교차 참조

2 Baami 19:22

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Kulumbaisha 33:2

Amulumbaishe Mwaami Lesa mukulisha kalumbu, kwiimba nyimbo akalumbu ka mawaya likumi!

Kulumbaisha 89:18

NoBaami baLesa liyawo lyesu lilaswa kuli ndimwe. Mwaami wesu ulaswa kuUsalalite wa bene Isilaeli.

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 5:24

Ono aboobo bweenka mile ya bwiisu mboipya cakumaninina ee, bweenka bwiisu buyumu mbobululuma pakupya, mbweeke ubo muyanda wabo ulaakubola. Aalo maluba abo alaakuululuka anga ndusuko ceebo bakaka milawo ya Mwaami Lesa Shinkusu shoonse, ee, ceebo basuula maswi a Usalalite wa bene Isilaeli.

Kulumbaisha 144:9

NobaLesa ndaakumwiimbila lwiimbo lupya, ndaakumulishisha kalumbu ka mawaya likumi.

Kulumbaisha 98:3

Wakalama cipangano cakwe kubene Isilaeli. Wakashomeka akutondesha lusuno lwakwe lutamaani kuli mbabo. Lupulusho lwakwe Lesa wesu, bantu boonse mucishi coonse balubona.

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Isaya 43:3

Ceebo nebo ndime Mwaami Lesa wanu, ee, Usalalite wa bene Isilaeli uyo umupulusha. Ndaakubenga Ijipiti mukumulubula. Ndaakubenga Kushi aSeba mumusena wanu.

Isaya 5:19

Balaamba ayi, “Lesa aafwambaane kucita ncaatooyeeya kwaamba ayi tuciboone. Ee, Usalalite wa bene Isilaeli aafwambaane kucita miyeeyo yakwe kwaamba ayi twiishiibe.”

Isaya 5:16

Sombi Mwaami Lesa Shinkusu shoonse ulaakusumpulwa ceebo ca koombolosha cakutanyengelela kwakwe. Mubululami Lesa usalalite ulaakutondesha ayi ncakwiila ulisalalite.

Kulumbaisha 138:2

Ndaakufukama kunembo lya Ŋanda yanu isalalite. Ndaakulumbaisha liina lyanu ceebo ca lusuno lwanu lutamaani akushomeka kwanu. Ee, mukwiinga mwasumpula liina lyanu amaswi anu kwiinda shintu shimwi shoonse.

Kulumbaisha 89:1

NoBaami baLesa, lyoonse ndaakwiimba lusuno lwanu lutamaani, alimwi ndaakwaamba pakushomeka kwanu mumashalane oonse acisa.

Kulumbaisha 78:41

Lyobilo lyobilo bakalinga kusunka Lesa, akulengesha Lesa usalalite wa bene Isilaeli kukalala.

Kulumbaisha 56:4

Ee, ndanooshoma muli Lesa uyo mwine maswi ngoonumbaisha. Ndicinkite manungo muli Lesa, aboobo teshi nkaloonde. Anu muntu ufwa inga wacitanshi kuli ndime?

Kulumbaisha 25:10

Nshila sha Mwaami Lesa nsha lusuno alimwi nsha kushomeka. Ncakwiila ulashomeka kubaabo bakonkela cipangano amilasho yakwe.

Bene Loma 15:8

Mukwiinga ntoomulwiita ayi Klistu wakesa mukucafwa baJuda kwaamba ayi atondeshe kushomeka kwakwe Lesa. Mukucita boobo shoonse Lesa nshaakashomesha bamashali besu bakulukulu shakacitika cancinencine.

Kulumbaisha 43:4

Lyalo ndaakuya kucipaililo canu nobaLesa, nobaLesa mwebo nomunengesha kusangalala. Ncakwiila ndaakumulumbaisha kwiinda mukwiimba akalumbu nobaLesa, baLesa bangu.

Kulumbaisha 98:4

Amoolobeshe cakusangalala kuMwaami Lesa nobamucishi ca panshi! Amumulumbaishe akumwiimbila cakukondwa!

Kulumbaisha 98:5

Amwiimbe nyimbo shakulumbaisha Mwaami Lesa! Amumulumbaishe mukulisha tulumbu!