Kulumbaisha 71:18 - Baibo Busansulushi Bwa Libuku Ili

¹⁸ Ono bulya mbondacembela, amumutwi mbomwatuba kumfwi, mutamfutatili nobaLesa kushikila nkaambilishe nkusu shanu kulishalane licisa kunembo. Ee, nkaambilishe nkusu shanu kubaabo bacisa mukushalwa.

Kulumbaisha 71:18 교차 참조

Isaya 46:4

Nebo ndi Lesa wanu alimwi ndanoomulama kushikila misusu yanu yaakutuba kukucembela. Ndakamulenga alimwi ndanoomulama. Ndanoomucafwa alimwi ndanoomufuna.”

Kulumbaisha 71:9

Mutankaki bulya mbondacembela. Ee, mutamfutatili bulya mbondamana nkusu.

Kulumbaisha 78:4

Teshi tukashishiseewo kubana besu. Tulaakulwiita lishalane litoosa pankusu sha Mwaami Lesa amilimo yakwe ya nkusu, kubikaawo ashaankamiko isho nshaakacita.

Kulumbaisha 78:6

Munshila iyo lishalane litoosa alyalo likeeye, ee, bana abo batana kushalwa, alimwi abalo bakeeishe bana babo.

Kulumbaisha 22:31

Balaakushimikila shalupulusho lwakwe kubantu batana kushalwa bulya. Balaakulwiitikwa shintu shoonse nshaakacita.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

1 Samwelo 4:18

Musankwa uyo ndyaakaamba shaLibokoshi lya Cipangano ca Mwaami Lesa, Eli wakawa cifuteenuma kuswa pacuuna cakwe kuwita kulubasu lomwi lwa munjililo. Ono mukwiinga wakalinga wacembela abuumbi alimwi keenite, nshingo yakwe yakatyoka. Aboobo wakafwa. Wakalinga mutanjilili muIsilaeli kwamyaaka makumi one.

Milimo ya Batumwi 13:36

Mukwiinga Defedi mubuumi bwakwe ndyaakamana kusebensela bantu kweelana akuyanda kwakwe Lesa, wakafwa akubikwa mucuumbwe kweenka kwakafukilwa bamashali bakwe bakulukulu. Mpeeke mubili wakwe wakabola.

Isaya 53:1

Bantu bakakumbula ayi, “NoBaami baLesa, ngani wakashoma makani ngotwakashimikila? Ino nkusu shanu noBaami baLesa shakayubulwitwa baani?”

1 Samwelo 4:15

Eli ico ciindi wakalinga waba amyaaka makumi osanwe aone amyaaka yosanwe ayotatwe cakwaamba ayi wakalinga kupofwete.

Kulonga 13:8

Ono na kusekelela uku kwatalika, amusansulwite bana banu basankwa ayi mulasekelela ceebo ca sheesho Mwaami Lesa nshaakamucitila ndimwakaswa muIjipiti.

Matalikilo 27:1

Isaki ono wakacembela akupofola. Wakatuma nkombe kuli Esau mwanaakwe munenebantu ayi ese. Mpeeke wakamwaambila ayi, “Omwanaangu!” Lakwe wakakumbula ayi, “Ee nkambo.”

Kulumbaisha 48:14

Ceebo Lesa uyo ngoLesa wesu kwamuyayaya Ndushinisho ulaakunootutanjilila tibili akumeelelesho.