2 Bweenka bwiishi mbobuya amuuwo, mbweeke ubo alakwe mbweshi abasukumye. Ee, bweenka bukato mbobusunguluka kumulilo, mbweeke ubo bamucita shibi abanyonyoolwe pameenso akwe Lesa.
Tulundu tutoosunguluka bweenka bucita bukato kumulilo. Tutoopuumukila mushinyika anga ngamaanshi atookunka kuswa pakalundu.
Sombi bamucita shibi balaakumana kufwa. Ee, balwani ba Mwaami Lesa balaakuloba anga ngamaluba a muluundu, ncakwiila balaakushimingana bweenka mbuli bwiishi.
Paceebo ceeco balaakuba anga ngushikunku wa macuunsa, ee, anga ngumume uyo upalangana na lwabala. Ncakwiila balaakuba anga mbuungu butolwa amuuwo kulubansa lwakulupwitaawo nabi anga mbwiishi butooswita pambwelyo.
Bubi bulanyaka anga ngumulilo, ee, mulilo ukonsha kutenta myuumfwa ashisonsoonya. Ncakwiila bulanyaka anga ngumulilo uli muluundu lunene, ee, mulilo usukumya bwiishi buunji.
Tulundu tulasunguluka anga mbukato kunembo lya Mwaami Lesa, ee, kunembo lya Muleli wa cishi coonse ca panshi.
Balwani babo bamana babanyonyoola, Amubalangilishe cabukali akubacaya.
Bweenka mulilo mboutenta tusaala akubilisha maanshi, mbweeke ubo amwebo amwise akulengesha liina lyanu kupuka kubalwani banu. Munshila iyo amulengeshe bamumishobo imwi kututuma kunembo lyanu.
Mwebo nobaLesa mulayoosha abuumbi. Anu ngani weenga weemikana na mwebo mwakalala?
Nkusu shangu shamana, shamanabo anga ngamaanshi apukwitwa panshi. Shifuwa shangu shilibo anga shaswaamo mumanungi. Awalo moyo wangu wababo anga mbukato bwasunguluka.
Kulilabo na Libokoshi lya Cipangano lyanyamuka, Mose wakalinga kwaamba ayi, “Amunyamuke noBaami baLesa, amupalanganye balwani banu boonse akulengesha baabo bamupatite kucica!”
Mpomunyaawo Joabu abashilumamba mbwaakalingaabo bakanyamuka kuya mukulwana bene Silya. Mpeeke bene Silya bakacica.
Sombi bakacica kuloonda bene Isilaeli. Mpeeke Defedi wakacayaawo bashilumamba beshikulwanina mushikoci sha maaki bali 700 alimwi abapanshibo bali 40,000. Shobaki mutanjilili wa bashilumamba babo alakwe bakamuyasa akufwa peenka apo.
Paciindi liswi lyanu ndyeliluluma, mishobo ya bantu ilacica. Na mwakalala akunyamuka, mishobo imwi ilamana kupalangana.
Ceebonshi Apisi lesa wanu ncaakawita panshi? Mwaami Lesa ngowamuwisha panshi.
