16 Sombi nebo ndanokwiimba nkusu shanu. Kulila bwaca ndanokwiimba shalusuno lwanu lutamaani, mukwiinga mwebo kuli ndime muli lilinga lya mabwe, kuli ndime muli ciyubilo muciindi ca mapensho.
Amulumbaishikwe mwebo noBaami baLesa ceebo ca nkusu shanu. Tunanokwiimba akushilumbaisha nkusu shanu.
Ono bulemu bube kuli Lesa, lakwe kwiinda munkusu shakwe shisebensa muli ndiswe, ulakonsha kucita shiinda pasheesho nsheenga twaseenga nabi kuyeeya.
Wakalengesha abaswamashi bakunsengwe kulumbaisha Lesa ceebo ca nkumbu shakwe. Kweelana abwaamba Malembo akwe Lesa ayi, “Paceebo ceeco ndaakumulumbaisha pakati ka baswamashi bakunsengwe alimwi ndaakwiimba nyimbo shakulumbaisha liina lyanu.”
Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.
Amuntondeshe lusuno lwanu lutamaani kulila bwaca ceebo ndicinkite manungo muli ndimwe. Muntondeshe nshila njeenjelele kutola mukwiinga ndapaila kuli ndimwe.
Nabi ŋende pakati ka mapensho, mwebo mulalama buumi bwangu. Mulatandabika lyaansa lyanu kukasha bukali bwa balwani bangu. Ndushinisho mwebo mulamfuna alyaansa lyanu lyalulyo.
Wakatufuna mumapensho alufu amushobo uyo alimwi ulaakutufuna. Ono tulishomete kwaamba ayi ulaakutolelela kutufuna
Ndaakwiimba shalusuno lwanu ashabululami, noBaami baLesa ndaakumwiimbila cakulumbaisha.
Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.
Balaakwaamba pabulemu bwa bweene bwanu, akulwiita bamwi pankusu shanu.
Mwebo noBaami baLesa lusuno lwanu lutamaani ndunene abuumbi cakushika akwiculu, Ncakwiila akwalo kushomeka kwanu kulashika mwiculu muli nyenyeenshi.
Ndanookondetwe alimwi ndanoosangalete ceebo ca lusuno lwanu lutamaani. Ncakwiila ndimwe mubona mumapensho angu alimwi ndimwe mwishi kupenga kwa moyo wangu.
Kamunkumbula ndimpaila nobaLesa baluleme. Ndindakalinga mumapensho, mwakancafwa. Ono amube aluse pali ndime akukumbula mupailo wangu.
Ceebo ca nkusu shakwe shiinji swebo tulaalilwa kumusena pafwaafwi. Sombi lakwe uliluleme alimwi uloombolosha bantu cakutanyengelela.
Bwabica bushiku ubu mwebo! Taaku bushiku nabi bomwi bweshi bukakoshanyeewo ambubo. Bulaakuba bushiku bwa mapensho kubamulunyungu lwakwe Jakobo, nakubi boobo balaakupulushikwa.”
NoBaami baLesa, lyoonse ndaakwiimba lusuno lwanu lutamaani, alimwi ndaakwaamba pakushomeka kwanu mumashalane oonse acisa.
NoBaami baLesa, nebo ntoolilila lucafwo kuswa kuli ndimwe. Macuunsa lyoonse ndapaila kuli ndimwe.
Ndindakalinga mumapensho ndakapaila kuMwaami Lesa. Ciindi ca mashiku ndakatambika maansaangu pakupaila, sombi nshina kucana kukalikwa moyo.
Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.
Mwaami Lesa uyo wakamfuna kunkalamu abasuntwe banene, utoomfuna akumwine Filisiti ulya.” Lyalo Saulo wakaambila Defedi ayi, “Ncibotu, koya alimwi Mwaami Lesa abe awebo.”
Macuunsa mulanyumfwa liswi lyangu, pakuswa lisuba ndapaila kuli ndimwe akulindilila ayi munkumbule.
Sombi wakabafuna kweelana ambwaakabashomesha, kwaamba ayi aboneshe nkusu shakwe shiindaawo kuli mbabo.
Lusuno lwanu lutamaani ndunene. Mwakamfuna ayi ntayi kumusena wa bafu.
Lesa wangu ngomwaandami wangu, shikumfuna. Ulantabilila anga ndiyawo, Ee, ulamfuna akundama kabotu. Ncakwiila ngumupulushi wangu. Ulandama akumpulusha munkondo.
“NoBaami baLesa, lyaansa lyanu lyalulyo lilicite nkusu shiloondesha. NoBaami baLesa, lyaansa lyanu lyalulyo lilasansoola balwani.
Makubi atoolindililabo kulya mutuntu wakwe, alakwe mwiine ulishi kwaamba ayi lufu lwakwe luli pafwaafwi.
