1 Amunyumfwile nkumbu nobaLesa, amunyumfwile nkumbu, mukwiinga muli ndimwe moonshisa buumi bwangu. Ndanooyubite mushimfule sha mapapaminwa anu, kushikila ciindi cakunyonyoolwa ici cikeende.
Ulaakumufwekelela mumapapaminwa akwe, ee, mumapapaminwa akwe mweshi mukabe ciyubilo canu. Kushomeka kwakwe kulaakumutabilila anga ndiyawo nabi lubumbu lwa ndabala.
Lusuno lwanu lutamaani ncakwiila ndwa makwebo abuumbi. Nceceeco bantu boonse ncebasunini kuyuba mucimfule ca mapapaminwa anu.
Amunsuminishe kwikala mumusena wanu usalalite kwabuumi bwangu boonse. Aankale munshaacimfule ca mapapaminwa anu kwaamba ayi mbule cakulisukama.
Mukwiinga mwebo kuswabo kalekale ndimwe muncafwa, mucimfule ca mapapaminwa anu ndeemba nyimbo shakusangalala.
Boonse abo beshi liina lyanu balamushoma, ceebo mwebo noBaami baLesa tamusuuli besa kuli ndimwe.
Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,
Ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa, mukwiinga shintu shikulukulu shoonse shashimingana.”
Mwaami Lesa aakupe coolwe pasheesho shoonse nshewakacita. Mwaami Lesa, Lesa wa bene Isilaeli uyo ngowesa mukulishisaako aakupe cilambu cinene!”
Kamuya nobene misheesu, amunjile mumaandaanu. Amulicalile mushipinda shanu kushikila bukali bwakwe Lesa bwiinde.
NobaLesa amunyumfwile nkumbu ceebo balwani bangu batooya cintandaanya. Lilaya mukwipila balampensha.
Wakasala Mwaami Lesa ayi abe shikukufuna, ee, Lesa wa kwiculu Wiindaawo ayi abe liyawo lyako.
Ono nebo ndicinkite manungo mulusuno lwanu lutamaani. Moyo wangu ulaakusangalala mukwiinga mulaakumfuna.
mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.
Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.
Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.
Ndalilila Mwaami Lesa muliswi lya peculu. Ndoolobesha kuMwaami Lesa ayi amfwite nkumbu.
Ntoomulwiita calushinisho ayi mwebo mulaakulila akuungumana, sombi bamucishi balaakusangalala. Mulaakuungumana, sombi kuungumana kwanu kulaakuba kusangalala.
Nshiku isho sha mapensho neshitakwe kufwimpishikwa, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, inshiku isho shilaakufwimpishikwa.
Abo bacinkite manungo muMwaami Lesa, bali anga nKalundu ka Siyoni, kalundu ako katakoonshi kutenkaana, sombi kananooliko kwalyoonse alyoonse.
NobaLesa bangu, amumfuune kuswa kubalwani bangu. Amuntabilile kubantu aba bambukila akundwana.
Nobaleli, sa bupingushi bwanu buliluleme? Sa koombolosha kwanu kuliluleme pakati ka bantu?
Coonoonobo bukali bwangu pali ndimwe butoomana. Lyalo ntoobukila mbabo kwaamba ayi mbanyonyoole.
Ndibakashika pafwaafwi ashaanda sha mbelele pamwi munshila, pakalinga acimfwengo umo Saulo mwaakanjila ayi alicafwilishe. Anu mucimfwengo mweenka umo, mukati mwiine, Defedi abashilumamba mobakalinga.
Defedi wakaswaako kuGati akulobokela kucimfwengo ca kuAdulamu. Bamakwabo abamuŋanda ya baishi ndibakanyumfwa ayi nkwaabete uko, bakamukonkela.
“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!
Mpomunyaawo Defedi wakaswa mucimfwengo akoolobesha kuli Saulo ayi, “Nkambo nobaami bangu!” Saulo ndyaakalanga kwisule, Defedi wakamufukamina cakushisha ciwa panshi mukumulemeka.
Mpeeke ndakapaila ayi, ‘NoBaami baLesa Beshinkusu shoonse, mutanyonyooli bantu banu nobeene, abo mbomwakafuna kuswa muIjipiti munkusu shanu shinene.
Mpomunyaawo Defedi bashilumamba bakamulwiita ayi, “Ici nceciindi cako cilya Mwaami Lesa ncaakaamba ndyaakaamba ayi, ‘Ndaakwaaba mulwani wako mumaansaako kwaamba ayi ukamucite cili coonse nceshi ukasune.’ ” Mpeeke Defedi wakamubendelela akutimbula cakufwala cakwe Saulo ca Peculu kulikonko.
Defedi wakaambila Abishayi ayi, “Utamucaayi! Taakuuwo weenga wacisa mwaami wakasalwa aMwaami Lesa kwiinda mukunanikwa weenga wabula kuba amulandu.”
NobaLesa, tulamulumba abuumbi. Tulamulumba mukwiinga muli pafwaafwi aswebo. Bantu boonse balashimika shamicito yanu ikankamika.
