3 Macuunsa mulanyumfwa liswi lyangu, pakuswa lisuba ndapaila kuli ndimwe akulindilila ayi munkumbule.
Ndabuka kumuyamaca ayi musenge lucafwo. Ncakwiila kulangila kwangu kuli mumaswi anu.
NoBaami baLesa, nebo ntoolilila lucafwo kuswa kuli ndimwe. Macuunsa lyoonse ndapaila kuli ndimwe.
Bushiku bwakaboolaawo kumuyamaca, Jesu wakabuka akuswa muŋanda. Lyalo wakaswa mundabala akuya kumusena kwatakalinga kwikala bantu uko nkwaakaya mukupailila.
Moyo wangu utoolindila Mwaami Lesa kwiinda abeshikulindilila mbobalindila kuca kwa bushiku. Ee, kwiinda abeshikulindilila mbobalindila kuca kwa bushiku.
Macolesha, macuunsa amalumwi eene, ndoolobesha kuli nguwe mubuumba bwangu, alakwe ulanyumfwa liswi lyangu.
Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.
NoBaami baLesa amukumbule kusenga kwangu kwiinda mukubota kwa lusuno lwanu lutamaani. Ncakwiila kweelana akufula kwa nkumbu shanu, amumboone.
NobaLesa bangu, ndamulilila malumwi, sombi mwebo tamunkumbuli. Ndamulilila mashiku nshicani kookesha.
Bakalengesha bakandu kulilila Lesa alakwe wakanyumfwa kulila lucafwo kwabo.
Kwiinda muli ndimwe balwani besu balaboola pesule kuboowa. Kwiinda muliina lyanu tulakoma balwani besu cakumaninina.
NobaLesa, muli baami besu kuswa kalekale, ndimwe mupulusha bantu pacishi ca panshi coonse.
Balicite coolwe abo bekala muŊanda yanu, akumwiimbila nyimbo shakulumbaisha.
NoBaami baLesa amunyumfwe kulila kwangu. Amuteye kutwi wanu ayi munyumfwe kulila kwangu kwakusenga lucafwo.
Ndaakumulumbaisha nobaLesa, noBaami bangu, akulemeka liina lyanu lyoonse alyoonse.
Mwakanyumfwa kusenga kwangu kwakwaamba ayi, “Mutanooshinka matwi anu na ndasenga lucafwo.”
