14 Ceebo Lesa uyo ngoLesa wesu kwamuyayaya Ndushinisho ulaakunootutanjilila tibili akumeelelesho.
Nebo neMwaami Lesa ndaakunoomutanjilila lyoonse. Ndaakunoomupa shoonse shiyandika mubuumi bwanu mucishi ici cibalilwabo lumwi. Ndaakunoomupa nkusu abuumi bubotu. Mulaakubabo anga ngumuunda utililwa kabotu, nabi kantupu katamani maanshi.
Mulantanjilila amilasho yanu nobeene, kumamanino mulaakunjisha mubulemu bwanu.
Ono Mushimu wiisha lushinisho pakwisa, lyalo ulaakumutanjilila mushintu shoonse shalushinisho. Ceebo teshi akaambe shaakwe mwiine, sombi ulaakusansulula sheesho nshaakanyumfwa kuli baTa alimwi akumulwiita shintu nsheshi shikese kunembo.
Abo balibombya ulabatanjilila munshila shiluleme, alimwi ulabeeisha mbobeelete kweenda.
Mubili abuumi bwangu shilaakumana. Sombi Lesa nshenkusu shangu, ngoompa shiyandika shoonse mubuumi bwangu.
Nebo ndicinkite manungo muli ndimwe noBaami baLesa. Ncakwiila mwebo muli baLesa bangu.
Nebo ndakaambila Mwaami Lesa ayi, “Ndimwe Baami baLesa, baLesa bangu. Shibotu shoonse nsheencite shilaswa kuli ndimwe.”
Ndakonkela nshila shiluleme, nshipambuki munshila shakoombolosha kululeme.
Nakubi boobo ndeebaluka cintu comwi alimwi cintu ico cilankalika moyo.
Shibe nshiku shobilo, mweenshi, mwaaka nabi kusotokaawo, kulilabo na likumbi kalicili paTente, tebakalinga kulonga. Sombi na lyaswaawo, abalo nkulonga.
Ncakwiila mwakalisalila bene Isilaeli ayi babe bantu banu kwalyoonse, alimwi mwebo noBaami baLesa mwaba Lesa wabo.
Ono bulya mbondacembela, amumutwi mbomwatuba kumfwi, mutamfutatili nobaLesa kushikila nkaambilishe nkusu shanu kulishalane licisa kunembo. Ee, nkaambilishe nkusu shanu kubaabo bacisa mukushalwa.
