8 Kamwisa mubone Mwaami Lesa nshaakacita, ee, mubone shintu shikankamika nshaakacita pacishi ca panshi.
Nobantu, kamwisa mubone Lesa ncaakacita, mubone milimo ikankamika njaacita pakati ka bantu.
Amubone, Mwaami Lesa ulaakunyonyoola cishi ca panshi akucilengesha kuba matongo. Ulaakusandamuna akumwaya bantu boonse bekala muli ncico.
Balaakuyakulula shakanyonyoolwabo kale kale, ee, kuyakulula misena iyo yalinga mumatongo kwaciindi cilaamfu. Balaakuyakulula mandabala ayo akalinga kupwayookite alimwi alinga kucaalite cisuukila kwamashalane maanji.
Pabushiku ubo mbomunya mashiku mwaami Falawo, bacinenenene bakwe alimwi abene Ijipiti boonse bakabushikwa. Mwakalinga kulila kunene abuumbi mucishi coonse ca Ijipiti mukwiinga tekwakalinga ŋanda nabi yomwi umo mwatakalinga mwaana musankwa ufwite.
Mwaami Lesa mwiine ngowakabalengesha cimpamya ayi balwane abene Isilaeli, kwaamba ayi abanyonyweetebo limwi akubalobya cakubula nkumbu. Ubo Mwaami Lesa mbwaakaambila Mose.
Taaku buloshi kubamulunyungu lwakwe Jakobo, taaku buŋanga bweenga bwasebensa kubene Isilaeli. Ono bantu balaakwaamba pabene Isilaeli ayi, ‘Amubone Lesa nshaacita!’
Mpomunyaawo bacinenenene bakwe Falawo bakamwaambila ayi, “Nciindi cilaamfu buyani muntu uyu nceshi atole kaatuletela mapensho? Amubaleeke bene Isilaeli baye, kwaamba ayi bakalambile Mwaami Lesa, Lesa wabo. Sa abobulya tamutoobona ayi cishi ca Ijipiti canyonyooka?”
Mutabukili Mwaami Lesa alimwi mutaloondi bekala mucishi umo. Tulaakwiindililabo kubakoma. Mwaami Lesa uli aswebo, alimwi balo tabacite shikubalama. Aboobo mutabaloondi.”
“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.
Lesa ulinsuni, aboobo ulaakuntanjilila. Ulaakulengesha meenso angu kubona balwani bangu kabakometwe.
Ulicite coolwe muntu ucafwikwa kuMwaami Lesa wakwe Jakobo, ncakwiila muntu ucinkite manungo muMwaami Lesa, Lesa wakwe.
Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.
Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.
