5 Muciindi ca mapensho ulaakunshisa, ulaakundama kabotu muŊanda yakwe isalalite, ee, ulaakumbika pamusena pataaku cakulibilika.
Mwaami Lesa uli anga niŋanda ilaamfu iyumu uko kucicila bantu baluleme akupuluka.
Bantu abo mulabashisa muliimfwa lyanu, kubashisa kuswa kumiyeeyo ibiibi ya balwani. Mulabashisa mumusena wanu mutaamu cakulibilika ayi bafunwe kumatushi aswa kubalwani babo.
Nabi ŋende pakati ka mapensho, mwebo mulalama buumi bwangu. Mulatandabika lyaansa lyanu kukasha bukali bwa balwani bangu. Ndushinisho mwebo mulamfuna alyaansa lyanu lyalulyo.
Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,
Mwebo ndimwe ciyubilo aliyawo lyangu. Mumaswi anu momuli kulangila kwangu.
Lyalo mwaakunjita muciindi ca mapensho ndaakumupulusha, aboobo mulaakunumbaisha.”
Mpeeke wakansubula kuswa mucilindi ca lufu umo mwakalinga cineemuneemu ca mankatya. Lyalo wakambwesa akunjimika pamwaandami, ncakwiila pamusena apo pataapu cakulisukama.
Mukwiinga mwebo mwakafwa, aboobo buumi bwanu bulishisitwe pantu pomwi aKlistu muli Lesa.
Amundaame kabotu bweenka bulamwa liinso, amunshiise muliimfwa lyanu bweenka nkuku mboifukatisha baana.
Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.
Kamuya nobene misheesu, amunjile mumaandaanu. Amulicalile mushipinda shanu kushikila bukali bwakwe Lesa bwiinde.
Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.
Amunyumfwile nkumbu nobaLesa, amunyumfwile nkumbu, mukwiinga muli ndimwe moonshisa buumi bwangu. Ndanooyubite mushimfule sha mapapaminwa anu, kushikila ciindi cakunyonyoolwa ici cikeende.
Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.
Ncakwiila kuno kulaale akumisheesu ntoolila kuli ndimwe, moyo wangu walemenwa buumba. Mwebo nobeene amuntole kuciyubilo kutaaku cakulisukama.
Ulanengesha kulyata panshi cakushimpa, alimwi ulandama ciindi ndyeemba patulundu.
Batoopangana miyeeyo ya bushishi ayi balwane bantu banu. Batoopinga baabo mbomutabilila.
Ndindakalinga mumapensho ndakapaila kuMwaami Lesa. Ciindi ca mashiku ndakatambika maansaangu pakupaila, sombi nshina kucana kukalikwa moyo.
“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.
Ceebonshi noBaami baLesa mulaboneka anga muli kulaale? Mulabonekelanshi anga muliyubite ndituba mumapensho?
“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!
Joashi wakalinga kushisitwe kwamyaaka yosanwe awomwi muŊanda yakwe Lesa mweenka umo. Paciindi ico Ataliya ngowakalinga kulela cishi.
Aalumbaishikwe Mwaami Lesa! Wakatondesha lusuno lwakwe pali ndime munshila ikankamika. Ndakalubona muciindi mapensho ndyaakantyaanisha anga nindabala yashingulukwa abashilumamba.
Wakanjiisha lwiimbo lupya, lwiimbo lwakulumba Lesa wesu. Bantu baanji baakubona boobo balaakulemeka akucinka manungo muMwaami Lesa.
Ceebo mwebo ndimwe ciyubilo cangu. Ndimwe mumfuna kuswa kubalwani bangu.
