1 NoBaami baLesa, anu ngani weenga wekala muŊanda yanu? Anu ngani weenga wakonsha kwikala pakalundu kanu kasalalite?
Balicite coolwe abo bekala muŊanda yanu, akumwiimbila nyimbo shakulumbaisha.
Amunsuminishe kwikala mumusena wanu usalalite kwabuumi bwangu boonse. Aankale munshaacimfule ca mapapaminwa anu kwaamba ayi mbule cakulisukama.
Bali anga nshisamu shishangitwe muŊanda ya Mwaami Lesa. Ncakwiila shilakula kabotu mulubansa lwa Ŋanda yakwe Lesa wesu.
Ncakwiila shintu shibotu alusuno lwanu shinanooli anebo mubuumi bwangu boonse. Aboobo ŋanda yanu ilaakuba ngomusena wangu lyoonse alyoonse.
Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.
“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.
Ndalilila Mwaami Lesa ayi ancaafwe, alakwe ulankumbula kuswa kukalundu kakwe kasalalite.
Ulaamba ayi, “Ndabika mwaami wangu paKalundu kangu kasalalite ka Siyoni.”
Lyalo ndakalangilisha akubona Mwanaambelele kaaimfwi paKalundu ka Siyoni, kaali abantu bali 144,000 abo bakalinga kulembetwe liina lyakwe alimwi alya baIshi pankumo shabo.
Ndaakumana kumubambila misena, ndaakuboola mukumubwesa kwaamba ayi mutole kooko nkweshi nkanoobete ayi amwebo mukabe nkuko.
