Kulumbaisha 132:9 - Baibo Busansulushi Bwa Libuku Ili

⁹ Bapailishi banu abafwale bululami anga ncakufwala. Abalo bantu banu basalalite kabeemba cakusangalala.

Kulumbaisha 132:9 교차 참조

Jobo 29:14

Ndakalinga kucita shintu shiluleme ciindi coonse. Ndushinisho milimo yangu yoonse yakalinga ibotu.

Ciyubululo 19:8

Mwanakashi uyu wapekwa shisani shiteshimite shituba kwaamba ayi afwale.” (Shisani shiteshimite shituba shileemikanina micito ibotu ya bashomi.)

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Kulumbaisha 132:16

Ndaakupa shoolwe bapailishi ba mumo mushintu shoonse nsheshi bakanoocita. Bantu bekalaamo balaakwiimba cakusangalala.

Kulumbaisha 104:1

Omoyo wangu lumbaisha Mwaami Lesa! NoBaami baLesa, baLesa bangu, muli beshinkusu abuumbi. Ncakwiila mulifwete bwaami alimwi abulemu.

Kulumbaisha 93:1

Mwaami Lesa ngoolela ulifwete bwaami, ulifwete bwaami alimwi ulicite nkusu. Cishi ca panshi ciliimfwi mumusena womwi, aboobo tacitenkaani.

Bene Loma 13:14

Tatweelete kubika maano musheesho shiyanda mubili, sombi Jesu Klistu abe nsheshakulwanisha shesu.

Sefaniya 3:14

Koimba ondabala ya Siyoni! Koolobesha webo oIsilaeli! Kosangalala akusekelela amoyo wako woonse webo ondabala ya Jelusalemu!

Isaya 65:14

Basebenshi bangu balaakunoosangalala ceebo cakukondwa kweshi kukanooli mumyoyo yabo. Mwebo mulaakunoolila cakooloma ceebo cabuumba bweshi bukanooli mumyoyo yanu. Ncakwiila mulaakunoolila mibila ceebo ca kutyongooka kwa muuya wanu.

Kulumbaisha 149:5

Abasekelele bantu basalalite ceebo ca bulemu ubo. Beembe cakusangalala mashiku mumaandaabo.

Kulumbaisha 70:4

Sombi abo balambila ndimwe abasangalale akukondwa muli ndimwe. Boonse abo balila lupulusho lwanu kabaamba lyoonse ayi, “Mwaami Lesa ncakwiila ulicite nkusu shiindaawo.”

Kulumbaisha 68:3

Sombi balo baluleme abasangalale. Abasangalale mubulemu bwakwe Lesa. Ncakwiila abasekelele cakusangalala abuumbi!

Kulumbaisha 47:1

Amukambe mapaka mwebo nobantu bamumishobo yoonse. Amoolobeshe kuMwaami Lesa pakumwiimbila nyimbo shakusangalala.

Boomboloshi 5:31

“NoBaami baLesa, balwani banu boonse abalobe, sombi abo bamusuni babe anga ndisuba liswa cankusu.” Lyalo mucishi cabo mwakaba luumuno kwamyaaka makumi one.

2 Makani 6:41

“NoBaami baLesa, ono amunyamuke mwise kuŊanda yanu akwikalaamo kwalyoonse alyoonse pantu pomwi aLibokoshi lyanu lya Cipangano citondesho ca nkusu shanu. NoBaami baLesa, bapailishi banu ababe ankusu shakutanjilila bantu kulupulusho ayi bantu banu basangalale mububotu bwanu.