4 Sombi mwebo mulalekelela shibiibi shesu, paceebo ceeci swebo tulamulemeka abuumbi.
Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.
Mwebo noBaami baLesa, baLesa besu, mulicite nkumbu alimwi mulatulekelela shibiibi nabi twakamwaashukila.
NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.
Muli nguwe, Lesa wakatwaangulula nkokwaamba ayi wakatulekelela shibiibi shesu shoonse.
Tutooshimikila ayi, kwiinda muli Klistu, Lesa utoolengesha bantu boonse kuboosha bushicibusa anguwe. Shibiibi shabo ulabalekelela akushilubaako. Watupa makani akwaamba ayi ulisuni bantu boonse kuba beshicibusa bakwe.
Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.
Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,
Ono abo bashoma muli Jesu Klistu, Lesa taabapi mulandu.
Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.
Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”
Muciindi ici, bashomi mushishi shoonse sha Judeya, Galili alimwi aSamaliya bakalinga muluumuno. Bashomi aba bakalinga kucatene pantu pomwi, bakafulilaako kwiinda mukuyuminishikwa aMushimu Usalashi alimwi bakalinga kulemeka Mwaami.
Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”
Ono ceebo ca ndimwe noBaami baLesa amulekelele bubi bwangu nabi mbuunji.
Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.
Sandukila kuli Shinkusu shoonse cakulibombya, akuleka kucita shintu shibiibi muŋanda yako.
