4 Nabi kube munshinshe, lakwe muntu ululeme uleenda mumuni. Ee, kuli baabo beshiluse, beshinkumbu alimwi baluleme kuli mumuni.
Ncakwiila buumi bwako bulaakubala anga ndisuba ndyeliba pakati ka mutwi. Mapensho ako alaakumana bweenka bumana munshinshe ndyebuca.
alimwi na beshinsala mwebo mukabapengele akucita shoonse shilila baabo balyatililwa. Lyalo mumuni wanu ulaakuboneka mumunshinshe. Awalo munshinshe wanu ulaakutubabo anga ngamalumwi lisuba ndyeliba pakati ka mutwi.
Mumuni ulamunikila pabantu baluleme. Kusangalala kulapekwa kubasalalite mumyoyo.
Nobana bangu, kutabi muntu nabi womwi weshi amucenjeeke. Uyo ucita shiluleme, uliluleme bweenka mbuli Klistu mbwaaluleme.
Amube ankuumbu bweenka mbuli Ishiwanu wa kwiculu.
Ono mukwiinga mulishi ayi Klistu uliluleme, mulyeelete kwishiba alimwi ayi uyo woonse ucita shiluleme ngumwanaakwe Lesa.
Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.
Amulumbaishe Mwaami Lesa! Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.
Mukwiinga mumuni uyu ngoolengesha bantu kwaamba ayi bacite shintu shoonse shibotu, shiluleme alimwi ashalushinisho.
Ndakesa mucishi ca panshi bweenka mbuli mumuni kwaamba ayi uyo woonse eshi ashome muli ndime atabi mumunshinshe.
Ncakwiila ulaakulengesha bululami bwako kuboneka patuba, bulaakubonekesha bweenka mbuli lisuba mbolibala.
Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.
Anu bupusano buliiwo pakati ka bana bakwe Lesa abana ba Mubiibi mboobu. Uyo woonse utaciti shiluleme nabi utasuni mubye, teshi mwanaakwe Lesa.
Anu mulyeelete kucenjela mubwikaalo bwanu. Mutekaali anga mbantu batacite lushibo, sombi anga mbantu basongo.
Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.
Lyalo kulilabo nceenga wasuuna, cilaakunoocitika. Mumuni ulaakumunikila nshila shako.
Muciindi ico lilampi lyakwe lyakalinga kumunikila. Wakalinga kumunikila ndindakalinga kweenda mumunshinshe.
Mwaami Lesa ngushiluse alimwi uliluleme, Ncakwiila Lesa wesu ulicite nkumbu shiinji.
Mwaami Lesa uliluleme munshila shakwe shoonse, ulicite nkumbu pashintu shoonse nshaakalenga.
Uyo ukonkela shiluleme alimwi ucite nkumbu, ulacana buumi, bululami abulemu.
“Ncakwiila mwaakucita boobo coolwe canu cilaakubalabo anga nkumuyamaca. Kushilikwa kwanu kulaakufwambaana kuba. Mpeeke bululami bulaakunoomutanjilila akwalo kwisule lyanu kulaakunoobabo bulemu bwangu nebo neMwaami Lesa.
