1 Amulumbaishe Mwaami Lesa! Ulicite coolwe muntu uloonda Mwaami Lesa, muntu usangalala mukulama milawo yakwe.
Balicite coolwe abo banyumfwila Mwaami Lesa, ncakwiila abo beenda munshila yakwe.
Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.
Nkumbu shakwe shili pali boonse abo bamulemeka kuswa kulishalane limwi kushikila kulishalane limwi.
Muntanjilile kwaamba ayi nkonkele milawo yanu, ceebo muli njiyo mooncana kusangalala.
Abo bamulemeka ulabapa shoonse nshebasuni. Ulanyumfwa kulila kwabo akubafuna.
Kuloonda Mwaami Lesa ngomatalikilo a busongo. Boonse abo bakonkela milasho yakwe mbobacite lushibo lwiine lwiine. Aalumbaishikwe lyoonse alyoonse.
Ndakondwa amoyo wangu woonse ceebo ca Milawo iswa kuli Lesa.
Milawo yanu ndiisuni abuumbi! Ndayeeyabo pali njiyo lilaya mukwipila.
Amulumbaishe Mwaami Lesa! Amulumbaishe Mwaami Lesa mumusena wakwe usalalite. Amumulumbaishe uyo uli mwiculu lyakwe lyankusu.
Amulumbaishe Mwaami Lesa! Ncibotu abuumbi kwiimba nyimbo shakulumbaisha Lesa wesu. Ndushinisho cilasangalasha alimwi cileelela kumulumbaisha.
Mapensho abuumba shampolela, nakubi boobo milawo yanu ilansangalasha.
NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”
Ono kusunisha bunene shiyanda mubili kulaletela lufu, sombi kusunisha shiyanda Mushimu Usalashi kulaletela buumi butamaani alimwi aluumuno.
Ndasangalalila mumilasho yanu, ee, teshi nkasuulewo maswi anu.
Ndasangalala mukwiisha kwanu, kwiinda kuba abubile buli boonse,
Amulumbaishe Mwaami Lesa! Ndaakulumbaisha Mwaami Lesa amoyo wangu woonse, ee, ndaakumulumbaisha pakati ka libungano lya bantu bakwe baluleme.
Ono mukwiinga banakashi abo bakalinga kuloonda Lesa, wakabapa baana baanji.
“Mwaami Lesa ulaakupa coolwe mandabalaanu alimwi amyuunda yanu.
Aboobo Aabu wakeeta Obadiya, uyo wakalinga munene kuŋanda ya bwaami. Ono Obadiya uyo wakalinga kulambila abuumbi Mwaami Lesa.
Mucita shibi inga wacita milandu ili mwaanda akwikala buumi bulaamfu, nabi bamwi balaamba ayi, “Na muntu walemeka Lesa, shintu shoonse shilaakumweendela kabotu.
