1 Ono moyo wangu ulicite lushomo nobaLesa. Ncakwiila nshintootenkaana napaceyi. Ndaakunoomwiimbila akumulumbaisha.
Mulomo wangu ulaakulumbaisha Mwaami Lesa. Shilengwa shakwe shoonse ashilumbaishe liina lyakwe lisalalite kwalyoonse alyoonse.
Ndaakunookwiimbila Mwaami Lesa kwabuumi bwangu boonse. Ndaakunookwiimbila Lesa wangu cakumulumbaisha kulila kaancili muumi.
Ndanooshimika shabululami bwanu alimwi alupulusho lwanu cakupisha lisuba, nabi nshishi ampolweela.
Ono Lesa ulanyamuka akupalanganya balwani bakwe. Boonse abo bamupatite aboondomokeko lubilo kunembo lyakwe!
Mumulomo wangu muliswitebo shakumulumbaisha. Ndapisha lisuba kwaamba shabulemu bwanu.
Nebo ndanoolumbaisha Mwaami Lesa lyoonse. Mulomo wangu teshi ukacilekeewo kumulumbaisha.
Lyalo Mose alimwi abene Isilaeli boonse bakeembila Mwaami Lesa lwiimbo ulu, “Ntokwiimbila Mwaami Lesa mukwiinga wakoma cabulemu. Wawaala maaki alimwi abalinga kutantiteewo mulweenge.
Aboobo teshi nkoomune, sombi ndaakunoomwiimbila lyoonse. NoBaami baLesa, baLesa bangu, ndaakunoomulumba kwalyoonse alyoonse.
Paceebo ceeci moyo wangu wakondwa abuumbi, alimwi ndisangalete abuumbi bulya ndintokwaamba. Awalo mubili wangu wa buntu ulaakookesha muluumuno,
Nobaami baLesa, ndaakumulumbaisha amoyo wangu woonse. Ndaakwiimba nyimbo shakumulumbaisha pameenso a balesa bamwi.
