12 Sombi noBaami baLesa, muli Baami kwamuyayaya, bamumashalane boonse balaakumwiibaluka lyoonse.
NoBaami baLesa, liina lyanu ndyamuyayaya. Mulipukite kumashalane oonse.
NoBaami baLesa, ndimwe mulela kwalyoonse alyoonse, cuuna canu cabulemu cilalela kuswa kulishalane lyomwi kushikila akulimwi.
Ubalwiite bene Isilaeli ayi nebo neMwaami Lesa, neLesa wa bamashali babo bakulukulu, neLesa wakwe Abulaamu, Isaki, alimwi aJakobo, ndakutuma kuli mbabo. Ili ndyeliina lyangu lyoonsebo. Mashalane oonse akunembo mbweshi akanoonjita ubo.
Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.
Mwaami Lesa, nguMwaami wa lyoonse alyoonse, alimwi ulibambite kale cuuna cakwe ayi oomboloshe.
Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.
“Ndushinisho nakubi kwaamba ayi walinga wasuulwa akupatwa cakubula awiinda muli ndiwe, ndaakukulengesha kuba musena upa bulemu kwalyoonse alyoonse uyo weshi ukanoosangalasha bantu bamumashalane oonse.
Lesa ngoomufuna lyoonse, maansaakwe amuyayaya ngaamulama. Ulatanda balwani kunembo lyanu, akumwaambila ayi mubanyonyoole.
Swebo tulibo bacilo, aboobo taaku ncetwishi, nshiku shesu pacishi ca panshi shilibo anga ncimfule ciindilite.
Ulakula anga ndiluba linefuma kwaciindi ciniini akunyana. Ee, buumi bwakwe bulibo anga ncimfule ico cishiminganashiminganabo.
Bwiisu ncakwiila bulamena macuunsa, sombi macolesha bulanyana akuyuma.
Ntooya bushiminganabo anga ncimfule ca macolesha. Ntootolaanishikwabo amuuwo anga ncisoshi.
