10 mukwiinga wa bukali bwanu bunene. Mwakambwesa akungwaala kulaale.
Ceebo ca bukali bwanu, mubili wangu waboolabo lefu. Mushiso mwaboolabo tontolo ceebo ca shibiibi shangu.
Balwani besu mbaanji, sombi tatubuli shikutucafwa. Nakubi kwaamba ayi cimwi ciindi tulacisikwa, sombi tatunyonyoolwi.
Mwaami Lesa ngoosumpula baliceesha, sombi ulalyatoola bamucita shibi.
Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.
Shintu nshetwakalinga kulisumpwitaawo shamana. Mapensho kuli ndiswe mukwiinga twakabisha.
“Mwaami Lesa uliluleme nakubi kwaamba ayi ndakaashukila milawo yakwe. Amunyumfwe mwebo noonse nobantu. Amunaange, mubone mapensho angu. Bacikula bwangu abamyooye bangu batolwa mubusha.
Mwebo mulapa mulandu akukalalila muntu ceebo ca shibiibi shakwe. Mulanyonyoola buboni bwakwe anga ngamacenje. Ncakwiila buumi bwa muntu uli woonse buli anga nkuyoya kwalinkanda lyomwi.
Ndalyaambilila shibiibi shangu shoonse, ncakwiila shibiibi shangu shanensha nsoni.
Nabi mwaya mwalwana buyani cankusu, Lesa ulaakumwaaba mumaansa a balwani banu mukwiinga ngoocite nkusu shakumucafwa nabi shakumwaaba mumaansa a balwani banu.”
Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.
