1 NoBaami baLesa, amunyumfwe mupailo wangu, kulila kwangu kwakusenga lucafwo akushike kuli ndimwe.
Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.
Ncakwiila kuno kulaale akumisheesu ntoolila kuli ndimwe, moyo wangu walemenwa buumba. Mwebo nobeene amuntole kuciyubilo kutaaku cakulisukama.
Amunyumfwe mupailo wangu noBaami baLesa, amukutike kusenga lucafwo kwangu. Mutapuululi kukulila kwangu, mukwiinga ndi mweensu bweenka mbuli bamashali besu bakulukulu.
Ndipakeenda myaaka, mwaami wa mucishi ca Ijipiti wakafwa, sombi bene Isilaeli bakalinga kucipengabo ceebo ca busha akunoolilila shikubafunaako. Kulila kwabo kwakashika kuli Lesa,
Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.
Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]
Mwakalifwekelesha likumbi kwaamba ayi mutanoonyumfwa mipailo yesu.
Nabi njite nabi kulila ayi ancaafwe, Lesa taankutikiiwo, sobwe.
NoBaami baLesa, amunkumbule cakufwambaana ceebo moyo wangu utoolela. Mutamfutatili, sobwe! Ceebo inga ndaba anga mbaabo batooya kumusena wa bafu.
Aboobo moyo wangu watyongola, ncakwiila moyo wangu woongumana.
Amunyumfwe kulila kwangu nobaLesa bangu, noBaami bangu, mukwiinga ndapaila kuli ndimwe.
Lyalo bapailishi pantu pomwi abene Lefi bakeemikana ayi basengele coolwe bantu boonse. Lesa wakanyumfwa kusenga kwabo kwiculu uko nkwaakala akukukumbula.
“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”
Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.
Abo bamulemeka ulabapa shoonse nshebasuni. Ulanyumfwa kulila kwabo akubafuna.
Ndinjeya Lesa ndapenga mumoyo wangu, ndinjibaluka Lesa moyo wangu uloongumana abuumbi.
Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.
Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.
Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”
