5 Ndaakuumusha muntu woonse ufuya mubye mubushishi. Teshi nkalekeleewo muntu ulisumpula akulinyumfwa.
Mulapulusha baabo balibombya, sombi mulaboosha panshi abo balisumpula.
Ngumuntu uyo utacite mulaka ubisha meena a babye, ee, ngooyo utacitili beshikamukobonyina shibiibi, nabi kwaamba makani akubeca pali mbabo.
“Kuli bantu balisumpula, ee, abo balanga babyaabo cakunaama.
Mwebo mulisuminite kukalila mukwabanu ayi mumufuuye. Taaku mbocibete kuli ndimwe kucaya liina lya mukwabanu swa nswe.
Mbweeke ubo banakashi bamanene kobaambila ayi banookala buumi busalalite. Tabeelete kuba bafuyishi nabi bacakolwa, sombi balyeelete kunokwiisha shintu shibotu.
Sombi ndakalinga kwaamba ayi tamweelete kupanga cibusa amuntu uliita ayi ngumuKlistu, sombi kaali shicikololo, mulyabi, shikulambila shibumbwabumbwa, shikwaamba shibiibi kubabye, cakolwa nabi mwiipi. Tamweelete kulya amuntu wa mushobo uyo.
Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”
“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”
Mufuyishi taakoonshi kukalika makani abushishi, aboobo amutalamuke muntu shikubwekabweka.
Muli ndiwe muli bantu babeca kwaamba ayi bulowa bwa babyaabo butilwe. Muli bantu balya milambu yakabengwa kushibumbwabumbwa. Bamwi balacita bufuule mukumana shiyanda mibili yabo.
Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.
Bweenka muuwo wakumatwa mbooleta mfula, mbweeke ubo kufuya mbokulengesha muntu kukalala.
Muntu ushisa lupato lwakwe ngumubeshi. Uyo woonse ubekesha mubye ngumuluya.
NoBaami baLesa, nakubi kwaamba ayi muli kwiculu mulalama baliceesha alimwi beshikulisumpula mulabona shintu shoonse nshebacita.
Anu cileke kutumbama. Ee, maswi akulisumpula aamane. Ceebo Mwaami Lesa, nguLesa ushi shoonse, ngowoombolosha shoonse shicita bantu.
Tamweelete kuya cibekesha muntu nabi womwi, alimwi mutapi bukamboni bweenga bwalengesha buumi bwa shikamukobonyinaanu kunyonyoolwa. Nebo ndime Mwaami Lesa.
“Mutanooya caamba makani akubeca nabi kucafwa muntu ulubite kwiinda mukupa bukamboni bwakubeca.
“Utapi bukamboni bwakubeca pali shikamukobonyoko.
Bamakaabo abalo balyeelete kuba amibo ibotu, batafuuyi. Balyeelete kuba bantu balibika mpobeelete alimwi bashomeka mushintu shoonse.
Bamucita shibi baleendeshekwa amiyeeyo yabo yakulisumpula akulyuuma mucaamba.
