3 alimwi teshi nkasuminisheewo cintu cibiibi pameenso angu. Ndipatite micito ya bantu bafutatila Lesa. Ncakwiila tatunyumfwani abantu abo.
Amunkaashe kubika maano kushintu shitacite ncito. Amumpe buumi kweelana amaswi anu.
“Ndakapangana cipangano ameenso angu ayi teshi nkalangilishewo mwanakashi calunkumbwa.
Utakumbwili mumoyo mbwaaimfwi alimwi meenso akwe ayungoola atakutoleli moyo.
Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.
Balicite coolwe abo bacinkite manungo muMwaami Lesa. Ee, abo batasandukili kushibumbwabumbwa nabi kusenkana abaabo balambila tulesa twakubeca.
“Utakumbwi ŋanda ya shikamukobonyoko camunyono. Utakumbwi mukamwiine, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.”
Tamweelete kukaka kumukweletesha ncaasuni ayi mukwiinga mwaaka wakulekelela nkongole uli pafwaafwi. Muyeeyo uyu ubiibi tooelete kuba muli ndimwe. Na mwakaaka kumukweletesha, ulaakulilila kuMwaami Lesa, lyalo mwebo mukabe amulandu.
Naakwiinga cakabota kuli mbabo kuteshibaawo nshila ya bululami, kwiinda kwaamba ayi beshibe, sombi alimwi pesule baalookile mulawo usalalite wakabapa Lesa.
Sombi bulya Lesa mulimwishi, nabi ŋambe ayi Lesa ulimwishi, ino ono mutooboola buyani kukwiisha kutacite nkusu alimwi ampindu? Ceebonshi mulisuni kuba basha ba nshisho alimwi?
Mulyeelete kuba alusuno lwalushinisho. Amupate bubi akusunisha kucita shintu shibotu.
Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”
Ncibotu kusangalala mucintu ciliiwo kwiinda kunookumbwa ncootacite. Acalo ici taaku mbocibete, cilibo anga nkutandaanya muuwo.
Ono amukabike maano kukonkela shoonse shilembetwe mulibuku lya Milawo yakwe Mose yoonse. Mutakasuuli nakaceyi muli njiyo
Swebo tatubete bantu beshikuboola kwisule akunyonyoolwa. Sombi tuli baabo bashoma beshi bakapulushikwe.
Ndibapatite bantu bacite myoyo yobilo, sombi nebo ndisunibo milawo yanu.
Lyobilo lyobilo bakalinga kusunka Lesa, akulengesha Lesa usalalite wa bene Isilaeli kukalala.
Sombi taaku nabi womwi ululeme, bantu boonse baba bamucita shibi. Taaku aucita shibotu, ncakwiila taaku nabibo womwi.
Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”
Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.
Ngooyo weenda cakubula kampenda akwaamba shintu shiluleme. Ngooyo ukaka mpindu yabupambi, utasuni kutambula makulo utasuni kuteya matwi kubaabo bapangana shabucayi alimwi utasuni kulansha meenso akwe pabubi.
Amuswe munshila, mutashinkilishi muyeeyo wesu. Tatusuni kunyumfwa shaWooyo Usalalite wa bene Isilaeli.”
Ndakaamba ayi, “Ndanoolilama akukasha mulomo wangu kubisha. Ndaakucala mulomo wangu ciindi coonse, kulilabo bamucita shibi kabacili anebo.”
Sombi abo bakonkela nshila shabo shitaluleme, Mwaami Lesa ulaakubatandila nkweshi kukanooli bamucita shibi. Luumuno alube pabene Isilaeli.
Abo basuni Mwaami Lesa abapate bubi, mukwiinga ulalama buumi bwa baabo bashomeka kuli nguwe. Ulabafuna kuswa kunkusu sha bamucita shibi.
Tebakalinga kushomeka mbuli bamashali babo bakulukulu. Tebakalinga kushomeka bweenka mufwi usendeme mbootashomeki.
Myaambo yabo yoonse njabubi alimwi njabubeshi. Kucita shintu shibotu, sha busongo, ncintu ncebakacilekabo kalekale.
“Ndanyumfwa nsoni kwaamba ayi ndakalengesha Saulo kuba mwaami, mukwiinga wanfutatila alimwi taakwe kucita mbondakamulwiita.” Lyalo Samwelo wakapenshekwa amoyo akulilila Mwaami Lesa mashiku oonse.
Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,
Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.
Ono amweensuma mwiine mwiine ngooncinkitemo manungo, mweensuma ngoondyaakwe mbale yomwi, wambukila.
Ncakwiila ndibapatite apanshi mbi. Ndabalangabo ayi mbalwani bangu.
Bantu bataaku mbobabete batanyumfwi balaya bweendeenda kuya bubeca.
Bantu aba mbeshikukamina kumeenso mbeshikulilyatila kumyeendo alimwi mbeshikwaambisha kuminwe ayi babece bamwi.
Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.
Mutapingi kucita bubi kuli shikamukobonyoko, mutanoobeca pakushomesha cakulumbila. Nebo ndipatite shintu sha mushobo uyo. Nebo neMwaami Lesa ndaamba.”
