Kulumbaisha 1:3 - Baibo Busansulushi Bwa Libuku Ili

³ Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Kulumbaisha 1:3 교차 참조

Jelemiya 17:8

Lakwe ulaakubabo anga ncisamu cishangitwe kufwaafwi amaanshi, cisamu citola miyanda mukalonga. Taciyumiwo nabi cilimo. Matewu a ncico alatontola ciindi coonse. Mumwaaka wa cilanga calo tacipengiiwo alimwi calo cilacatabo lyoonse shisepo.

Esekelo 47:12

Kulubasu lomwi alomwi lwa mulonga kulaakumena shisamu sha mishobo amishobo sheshi shikanoocata shisepo. Matewu a shisamu isho teshi akanooyumaawo alimwi shisamu isho teshi shikacilekeewo kucata, sobwe. Shilaakunoocata shisepo shipya mweenshi amweenshi ceebo shilaakunootililwa amaanshi aswa kuŊanda yakwe Lesa. Shisamu shilaakunoocata shisepo shilikwa aalo matewu alaakunoosebenseshekwa kushilika bantu.”

Kulumbaisha 92:14

Shilanoocicata shisepo nabi shacembela, shilaakunooshimpitebo aalo matewu alaakunoocilibo atontola.

Joni 15:6

Na umwi wabula kukalilila muli ndime, ulasowekwa bweenka mbuli musampi watemwa, aboobo ulayuma. Misampi ya mushobo uyo ilabunganishikwa akuwaalwa mumulilo yapya.

Esekelo 19:10

“Nyoko wakalinga anga ncisamu ca munyansa mumuunda wa nguwo, munyansa uyo wakashangwa kweela maanshi. Cisamu ico cakalinga kucata shisepo alimwi cakalinga kucite misampi iinji abuumbi ceebo kwakalinga maanshi aanji.

Matalikilo 39:23

Ncakwiila shintolongo uyo taakalinga kubikaako amaano kushintu isho shakalinga kweendeleshekwa aJosefu mukwiinga Lesa wakalingaakwe. Ncakwiila wakalinga kumulengesha ayi abe ashoolwe mushintu shoonse nshaakalinga kucita.

Ciyubululo 22:2

Akalinga kukunkila pakati ka nshila ya mundabala inene. Muloombe lwa mulonga uyu moonse mobilo, mwakalinga cisamu cipa buumi. Cisamu ici cilacata shisepo mankanda ali likumi aobilo mumwaaka, nkokwaamba ayi linkanda lyomwi mumweenshi. Matewu a ncico aalo ngakushilikisha mishobo yoonse ya bantu.

Esekelo 17:8

Sombi cakashangwa mubulongo bucite mboleshi munshaamaanshi aanji kwaamba ayi cibe amisampi, cikacate shisepo akuba cisamu ca munyansa cinene.’

Mateyo 13:6

Sombi lumwi ndilwakabala, busonga boonse bwakapya akuyuma, ceebo miyanda taikwe kuya bunene panshi.

2 Makani 31:21

Wakaswitilila mukwiinga shoonse nshaakacita paŊanda yakwe Lesa nabi pashakukonkela Milawo, wakashicita cakushomeka kuli Lesa alimwi camoyo woonse.

Matalikilo 39:3

uyo wakabona kwaamba ayi Mwaami Lesa wakalinga anguwe alimwi wakamulengesha ayi abe ashoolwe mushintu shoonse nshaakalinga kucita.

Kulumbaisha 128:2

Ulaakulya shisepo isho nshaasebensela. Ulaakupekwa coolwe amilimo yakwe ilaakuswitilila.

Isaya 3:10

Amulwiite baluleme ayi balo shintu shilaakunoobeendela kabotu. Ceebo balaakusangalala mumilimo ya maansaabo beene.

Isaya 44:4

Balaakukula kabotu anga mbwiisu buli pakatoonto nabi anga ncisamu ca masompe cili pafwaafwi amulonga.

Jobo 14:9

kukumanabo akatonto ka maanshi cilasonsa anga ndicamenabo.

Mateyo 21:34

Ono ciindi cakutebula shisepo ndicakashika, muntu uyo wakatuma basebenshi bakwe kubalimi ayi bakamupeewo shisepo sha mumuunda wakwe.

Mateyo 21:19

Ono ndyaakabona cisamu ca mukuyu mweela nshila, wakayaako ayi mpashi inga wacanako nkuyu. Sombi wakacana taaku, kakuswitebo matewu. Mpomunyaawo wakaambila mukuyu uyo ayi, “Kuswa sunu utakacatiwo nkuyu lyobilo!” Lyalo cisamu cakeendililabo kuyuma.

Judi 1:12

Bali anga ngamatombe mushakulya shapakusekelela mubwanabwankashi. Mbantu balyabi, bayeeyabo shabo beene. Bali anga ngamakumbi atolaanishikwabo amuuwo, sombi taaleti mfula. Alimwi bali anga nshisamu shitacati shisepo na cashikila ciindi, nabi shisamu shakashulwa akuyuma cakumaninina.

Isaya 27:11

Misampi iyo na yayuma ilaponsoka. Lyalo banakashi balesa beebwesa yaya mukuba nkuni. Ceebo bantu aba tabanyumfwishishiiwo, aboobo Mulengi wabo taaciteewo coopa nkoye nabi nkumbu pali mbabo

Mateyo 21:41

Balo bakamukumbula ayi, “Ncakwiila ulaakucaya babiibi abo, akubweleka muunda kubamwi abo beshibakanoomupako shisepo paciindi ceelete.”

1 Makani 22:11

Defedi wakatolelela akwaamba ayi, “Ono omwanaangu, Mwaami Lesa, Lesa wako abe awebo alimwi akulengeshe kuswitilila mukumuyakila Ŋanda kweelana ambwaakashomesha.

Kulumbaisha 129:8

Batokwiinda pafwaafwi batakaambi ayi, “Coolwe ca Mwaami Lesa cibe amwebo. Twamupa coolwe muliina lya Mwaami Lesa.”

2 Makani 32:23

Bantu baanji bakalinga kuleta shipo sha Mwaami Lesa kuJelusalemu ashintu shimwi shamakwebo kuli Esekiya mwaami wa bene Juda. Kuswa ciindi ico lakwe wakalinga kulemekwa abuumbi abantu ba mumishobo yoonse.

Shakubelenga 24:6

Anga njimindando ilaamfu ya tupukupuku, anga njimyuunda ili muloombe lwa mulonga, anga nshisamu sha aloyi shakashanga Mwaami Lesa, nabi anga nshisamu sha sida shili mweela maanshi.

Dutolonomi 28:8

“Mwaami Lesa, Lesa wanu ulaakumupa coolwe mushintu shoonse nsheshi mukanoocita akususha matala anu a shakulya shili anga ngamaila. Ulaakumupa coolwe mucishi ico ncaatoomupa.

2 Baami 18:7

Paceebo ceeco Mwaami Lesa wakalingaakwe alimwi wakalinga kuswitilila mushintu shoonse nshaakalinga kucita. Mpeeke wakabukila mwaami wa bene Asilya akukaka kumusebensela.

1 Makani 22:13

Na ukakonkele milasho amilawo yoonse iyo Mwaami Lesa njaakapa bene Isilaeli kwiinda muli Mose, ulaakuswitilila. Ulyeelete kuyuma akulishoma. Utakaloondi nabi kutyongola.

Jobo 22:28

Lyalo kulilabo nceenga wasuuna, cilaakunoocitika. Mumuni ulaakumunikila nshila shako.

Kulumbaisha 92:15

Ici cilatondesha ayi Mwaami Lesa uliluleme, alimwi ayi taamu cibiibi mumwaandami wangu.

Isaya 58:11

Nebo neMwaami Lesa ndaakunoomutanjilila lyoonse. Ndaakunoomupa shoonse shiyandika mubuumi bwanu mucishi ici cibalilwabo lumwi. Ndaakunoomupa nkusu abuumi bubotu. Mulaakubabo anga ngumuunda utililwa kabotu, nabi kantupu katamani maanshi.

Esekelo 31:5

Aboobo cakalaampa kuya mwiculu kwiinda shisamu sha muluundu shoonse. Misampi ya ncico yakakomena abuumbi ceebo ca maanshi kufula.