Kulonga 7:3 - Baibo Busansulushi Bwa Libuku Ili

³ Sombi ndaakulengesha mwaami kuba shicimpamya, alimwi nabi nkacite shaankamiko ashitondesho sha nkusu shiinji buyani mucishi ca Ijipiti,

Kulonga 7:3 교차 참조

Kulonga 4:21

Mwaami Lesa wakaambila Mose alimwi ayi, “Ono bulya mbootoboolela kuIjipiti, ulyeelete kucita pameenso a mwaami Falawo shaankamiko shoonse nshendakakubonesha. Sombi ndaakulengesha mwaami kuba shicimpamya akukaka kusuminisha bantu ayi baye.

Kulonga 11:9

Mwaami Lesa wakalinga waambila Mose kataanshi ayi, “Mwaami Falawo ulaakutolelela kutakunyumfwila, kwaamba ayi nkacite ashimwi shaankamiko muIjipiti.”

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

Milimo ya Batumwi 7:36

Mose wakatanjilila bantu aba pakuswa muIjipiti. Wakacita shaankamiko alimwi ashitondesho sha nkusu sha kwiculu muIjipiti, paLweenge Lusalala alimwi amuluyanga myaaka ili makumi one.

Milimo ya Batumwi 2:22

“Mwebo nobene Isilaelima, amukutikishe makani aya ngontoomulwiita! Ulya Jesu wa kuNasaleti wakalinga muntu uyo Lesa ngwaakatondesha ayi ngowooyo ngwaakasala akumutuma kuli ndimwe. Lesa wakabonesha cikani ici, kwiinda mushaankamiko ashitondesho sha nkusu sha kwiculu nshaakacita muli Jesu pakati kanu, kweelana ambuli mbomwishi.

Joni 4:48

Jesu wakamwaambila ayi, “Na mwabula kubona shaankamiko ashitondesho sha nkusu sha kwiculu shimwi, tamushomiiwo tau.”

Kulumbaisha 135:9

Wakacita shaankamiko ashitondesho sha nkusu sha kwiculu pakati kabo. Ee, kwaamba ayi ape mulandu Falawo abacinenenene bakwe.

Mika 7:15

Mwaami Lesa waamba ayi, “Ndaakucita shaankamiko bweenka mbondakalinga kucita ndimwakaswa muIjipiti.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Neyemiya 9:10

Mwakacita shaankamiko kuli Falawo mwaami wa bene Ijipiti, bacinenenene bakwe akubantu ba mucishi cakwe coonse ceebo mwakalinga kwishi mbuli mbobakalinga kulyatilila bantu banu. Aboobo liina lyanu lyakaya mpuwo bweenka mbuli mboliyiite asunu.

Dutolonomi 7:19

Amwiibaluke myaalu iyoosha iyo njemwakabona ameenso anu nobeene. Amwiibaluke ashaankamiko, shitondesho shankusu alimwi ankusu shinene isho Mwaami Lesa, Lesa wanu nshaakasebensesha ayi amwaangulule. Mwaami Lesa ulaakunyonyoola mishobo iyo njemutooloonda bulya bweenka mbwaakacita kubene Ijipiti.

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

Kulonga 9:16

Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Kulonga 4:29

Lyalo Mose aAloni bakaya kuIjipiti akubunganya bamatanjilili boonse ba bene Isilaeli.

Kulonga 4:7

Lyalo Mwaami Lesa wakaamba ayi, “Boosha lyaansa mucakufwala alimwi.” Alakwe wakacita bweenkoobo, pakulikushaamo lyakababo kabotu bweenka mbuli mubili wakwe woonse.

Bene Loma 9:18

Anu Lesa ulanyumfwila nkumbu abo mbaasuni kunyumfwila akulengesha cimpamya kubamwi abo mbaasuni.

Kulonga 3:20

Sombi ndaakusebensesha nkusu shangu, alimwi ndaakupa mulandu bene Ijipiti kwiinda mukucita shintu shiloondesha mucishi cabo. Kuswawaawo mwaami ulaakumusuminisha ayi muye.

Kulonga 7:13

Nacibi boobo mwaami Falawo wakatolelela kuba shicimpamya, alimwi kweelana abwakaamba Mwaami Lesa, wakakaka kunyumfwila Mose aAloni.

Kulonga 11:10

Mose aAloni bakacita shaankamiko shoonse ishi pameenso a mwaami Falawo, sombi Mwaami Lesa wakalengesha ayi abe shicimpamya akukasha bene Isilaeli kuswa mucishi cakwe.

Kulonga 14:4

Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Kulumbaisha 78:12

Wacita shaankamiko mumeenso a bamashali babo bakulukulu, mucishi ca Ijipiti mucituunta ca Sowani.

Tushimpi 21:1

Moyo wa mwaami uli mumaansa a Mwaami Lesa. Uloolulamikabo bweenka mbwaalulamika kweenda kwa maanshi a mumulonga.