Kulonga 40:13 - Baibo Busansulushi Bwa Libuku Ili

¹³ Ukafwalike Aloni shakufwala sha bupailishi akumunanika mafuta asalalite alimwi akumubenga kuli ndime, kwaamba ayi akansebensele mulimo wa bupailishi.

Kulonga 40:13 교차 참조

Kulonga 28:41

Shakufwala ishi ukafwalike mukwanu Aloni alimwi abana bakwe basankwa. Kuswawaawo ukabananike mafuta a olifi, akubabenga kuli ndime ayi bakansebensele mulimo wa bupailishi.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.

1 Joni 2:20

Sombi mwebo Klistu wakamupa Mushimu Usalashi, aboobo mulishi shalushinisho shoonse.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

Bene Ebulu 10:10

Ceebo Jesu Klistu wakacita ceeco Lesa ncaakalinga kusuni ayi acite, twakasalashikwa kwiinda mukubenga mubili wakwe linkanda lyomwibo ndondoli kwiimikanina bantu boonse.

Joni 17:19

Ceebo ca mbabo ndalibenga kuli ndimwe kwaamba ayi abalo balibeenge calushinisho kuli ndime.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Kulonga 40:14

Alimwi ukalete bana bakwe basankwa akubafwalika minjila.

Bene Lefi 7:36

Pabushiku ubo, Mwaami Lesa wakaambila bene Isilaeli ayi banoopa bapailishi cipansha ici ca mulambu. Uyu ngumulawo bene Isilaeli ngobeelete kunookonkela lyoonsebo.

Bene Lefi 8:13

Kuboolaawo, Mose wakaleta bana bakwe Aloni basankwa kunembo akubafwalika minjila, balaamba mumakome alimwi akubaangilila shisooti kumitwi, kweelana aMwaami Lesa mbwaakaambila Mose.

Kulonga 29:7

Ndyeshi ukabwese mafuta, ukamutilile pamutwi akumunanika.

Bene Lefi 7:35

Ici ncecipansha ca mulambu wa shakulya ubengwa kuMwaami Lesa alimwi akupekwa kuli Aloni alimwi abana bakwe basankwa pabushiku ubo ndibakabikwa pabupailishi.