Kulonga 35:34 - Baibo Busansulushi Bwa Libuku Ili

³⁴ Mwaami Lesa wakapa Besalelo alimwi aOolyabu mwanaakwe Ayisamaki kuswa mumukowa wakwe Dani busongo bwakwiisha bamwi lushibo lwabo lwa buyaki.

Kulonga 35:34 교차 참조

Kulonga 31:6

Ndasala aOolyabu mwanaakwe Ayisamaki, wa mumukowa wakwe Dani kwaamba ayi asebense aBesalelo. Alimwi ndapa busongo bunene kubacishi milimo boonse, kwaamba ayi bapange cili coonse ncendaamba

2 Makani 2:14

Banyina mbene Dani, baishi mbene Taya. Ulicishi kupanga shintu kuswa kugolodi, silifa, bulonse, nshimbi, mabwe alimwi amapulanga. Ulicishi akutunga shisani shifubelafubela, shiboneka anga ndiculu, shisalala pyu alimwi ansaalu shiteshimite. Ulicite lushibo lwakutala kwa mishobo yoonse alimwi ulakonsha kukonkela cikoshanyo cili coonse capekwa kuli nguwe. Leka asebense abantu banu bacibwene shakupangapanga kubikaawo abaabo bakalinga kusebensela baishiwanu baami baDefedi.

1 Bene Kolinto 12:7

Mushimu Usalashi ulapa womwi awomwi cipo kwaamba ayi acisebenseshe mukucafwa bantu boonse.

Neyemiya 2:12

Mpeeke ndakanyamuka abantu baniini mashiku. Paciindi ici kaantana kulwiitawo nabi womwi isho Lesa nshaakabika mumoyo wangu kwaamba ayi ncitile ndabala ya Jelusalemu. Nshindakalinga kucite cifubwa nabi comwi, sombibo ceenka ncendakalinga kutantiteewo.

Esila 7:27

Lyalo Esila wakaamba ayi, “Aalumbwe Mwaami Lesa, Lesa wa bamashali besu bakulukulu uyo walengesha mwaami kuyanda kulemeka Ŋanda ya Mwaami Lesa ya kuJelusalemu munshila iyi.

Esila 7:10

Ono Esila wakalinga kwiiya Milawo ya Mwaami Lesa akwiicita mubuumi bwakwe boonse. Kuswawaawo wakalinga kwiisha milawo amilasho iyo kubene Isilaeli.

Kulonga 35:33

Ndamupa abusongo bwakutimbula kabotu mabwe alimwi akwaabamba mpwaaelete, kubesa shisamu, alimwi akucita milimo imwi yoonse ya buyaki.