Kulonga 34:25 - Baibo Busansulushi Bwa Libuku Ili

²⁵ “Pakubenga munyama ayi ngumulambu kuli ndime, tamweelete kubenga shinkwa. Alimwi mutakeeleshi kushiyako cipansha ca nyama yakacaikwa pabushiku bwa Pasika bwakwiibaluka kusotokela nabi comwi ayi cikalikwe ciilo.

Kulonga 34:25 교차 참조

Kulonga 23:18

“Mutanoopa shinkwa pakupa mulambu wa munyama kuli ndime. Alimwi mafuta oonse a banyama ngoompekwa pakusekelela uku, teelete kucaalaako kushikila abushiku bukonkela.

Kulonga 12:10

Tamweelete kushiyaako nakaceyi. Ono na kushika macuunsa imwi yacaalaawo, ilyeelete kutentwa.

Dutolonomi 16:3

Pakunoosekelela, tamweelete kulya shinkwa. Sombi kwanshiku shosanwe ashobilo, mulyeelete kunoolyabo cimaande, bweenka mbomwakacita pakuswa calubilo mucishi ca Ijipiti. Cimaande ico cilaakunokwiitwa ayi cimaande ca mapensho. Mukanoocilya kwaamba ayi mukanokwiibaluka bushiku ndimwakaswa mucishi ca mapensho ca Ijipiti kwa buumi bwanu boonse.

Shakubelenga 9:12

Tabeelete kushiyako shakulya nashiceyi kushikila macuunsa, alimwi tabeelete kupwaya shifuwa sha mwanaambelele uli woonse. Kabalama bushiku ubo bwa Pasika kweelana amilasho yoonse.

Bene Lefi 7:15

Nyama yoonse ya mulambu wa bwanabwankashi uyo ilyeelete kulikwa pabushiku bweenka mbowabengwa. Taaku yeelete kucaalaako kushikila amacuunsa.

Kulonga 29:34

Na nyama imwi nabi cimaande cimwi shabula kulikwa kushikila akuciindi ca macuunsa, shilyeelete kutentwa. Tasheelete kulikwa ceebo shilisalalite.

Kulonga 12:20

Tamweelete kulya shinkwa. Kuli koonse nkweenga mwekala, mulyeelete kulyabo cimaande.”

Kulonga 12:8

Mashiku pabushiku mbomunya ubo, nyama ilyeelete kuyokwa, akwiilya pantu pomwi abucisa bulula alimwi acimaande.

Mateyo 13:33

Jesu alimwi wakabalwiita acimwi cikoshanyo ayi, “Bweene bwa kwiculu buli anga ncimena ciniini mwanakashi ncaakasenkanya mushikopo shotatwe sha fulaulo, kushikila woonse wafutumuka.”

Bene Lefi 2:11

“Taaku cipo ca fulaulo nceenga mwapa Mwaami Lesa kacisenkene acimena. Tamweelete kusebensesha cimena nabi buuci mucipo ca shakulya cipekwa kuli ndime neMwaami Lesa.

Dutolonomi 16:4

Nkokwaamba ayi kwanshiku shosanwe isho, taaku muntu mucishi canu weelete kuba acimena muŋanda. Ayalo nyama yakabengwa ayi ngumulambu wa pabushiku bwakutaanguna macolesha, tayeelete koona, sombi kulikwabo bushiku bweenkoobo.