Kulonga 30:18 - Baibo Busansulushi Bwa Libuku Ili

¹⁸ “Ukapange mbale ifongomene yakusambilaamo ya bulonse acapanshi ca njiyo coonse cikabe ca bulonse. Ukacibike pakati lya Tente alimwi acipaililo akubikaamo maanshi.

Kulonga 30:18 교차 참조

Kulonga 40:7

Ingayi pakati lya Tente alimwi acipaililo ukabikewo mbale ifongomene yakusambilaamo akwisushamo maanshi.

Kulonga 38:8

Mpeeke wakapanga mbale ifongomene ya bulonse alimwi acapanshi ca njiyo ca bulonse kuswa mushilola sha banakashi bakalinga kusebensela kumulyango wa Tente ya Cipangano.

2 Makani 4:2

Wakapanga cingomo ca bulonse ico cakalinga kulaampa mamita ali 2.2 kuswa panshi kushika peculu, mamita ali 4.4 kucilinganya pakati napakati, alimwi amamita ali 13.2 kucishinguluka.

1 Baami 7:38

Ulamu wapanga ambale likumi, mbale yomwi keeli ya cikoci cimwi. Mbale yomwi yakalinga kulaampa mamita ali 1.8 kwiinda pakati alimwi yakalinga kwisula malita ali 800.

1 Baami 7:23

Ulamu wakapanga cingomo ico cakalinga kulaampa mamita ali 2.2 kuswa panshi kushika peculu, mamita ali 4.4 kucilinganya pakati napakati, alimwi amamita ali 13.2 kucishinguluka.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

Taitasi 3:5

wakatupulusha. Taakwe kucita boobo mukwiinga twakacita shintu shibotu, sombi ceebo ca nkumbu shakwe. Wakatupulusha kwiinda mukusanshikwa kwa kushalwa cipya alimwi abuumi bupya muMushimu Usalashi.

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

2 Makani 4:6

Wakapanga ambale shifongomene shakalinga likumi, shosanwe bakashibika kulubasu lwa kumalenge lwa Ŋanda yakwe Lesa alimwi ashimwi bakashibika kumatwa. Ishi mbale bakashibika ayi mwakusanshisha shipansha sha nyama isho shakalinga kutentwa ayi njimilambu. Maanshi ayo akalinga mucingomo akalinga a kusamba bapailishi.

Bene Lefi 8:11

Wakabwesa mafuta amwi akwaasanseela mankanda osanwe aobilo pacipaililo ashintu sha ncico, alimwi ambale ifongomene acapanshi ca njiyo kwaamba ayi ashibenge kuMwaami Lesa.

Kulonga 31:9

cipaililo cakubengelawo milambu yakutenta ashintu sha ncico, mbale ifongomene yakusambilaamo alimwi acapanshi ca ncico,

Kulonga 30:17

Lyalo Mwaami Lesa wakaambila Mose alimwi ayi,

Shikushimikila 5:1

Kamucenjela ndyemuya muŊanda yakwe Lesa. Ncibotu kuya kuŊanda yakwe Lesa mukwiiya kwiinda kuya mukubenga milambu bucita baluya bateshi cibotu acibiibi.