7 Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.
Abo bamulemeka ulabapa shoonse nshebasuni. Ulanyumfwa kulila kwabo akubafuna.
Nakubi boobo Mwaami Lesa wakanyumfwa kulila kwabo alimwi wakabona buumba bwabo.
Mupenshi ndyaakasenga, Mwaami Lesa wakamukumbula akumanisha mapensho akwe oonse.
“Mwakabona mapensho a bamashali besu bakulukulu muIjipiti. Mwakanyumfwa kulila kwabo kuLweenge Lusalala.
Na mwacita boobo, nebo neMwaami Lesa ndaakubakumbula na bakandilile ayi mbacaafwe.
Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.
Ndakapaila kuMwaami Lesa, alakwe wakankumbula. Boowa boonse mbondakalinga kucite wakabumana.
Aboobo bene Ijipiti bakasala beshikubasebensesha kwaamba ayi babapeenshe kwiinda mukusebensa ncito shiyumu. Bene Isilaeli bakayaka mandabala anene obilo aPitomu alimwi aLamesesi kwaamba ayi munoolaminwa shakulya sha mwaami Falawo.
Leya wakamita akutumbuka mwaana musankwa. Mpeeke wakaamba ayi, “Lesa wabona mapensho angu ono bulya beebaangu batoonsuna.” Paceebo ceeco wakamutumba ayi Lubeni.
Mwaami Lesa taasuuli bakandu, nabi kusuula mapensho abo. Tabafutatiliiwo napaceyi, sombi ulabanyumfwila ndibasenga lucafwo.”
“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”
Tatucite Mupailishi Munene utakoonshi kutunyumfwila nkumbu mukulefuka kwesu. Mupailishi wesu wakasunkwa munshila shoonse bweenka mbotusunkwa. Sombi lakwe taakwe kubishaawo.
Na moyo wangu watyongola, ndimwe mwishi nceenjelete kucita. Munshila moonyinda balwani bangu banteya koose.
Ndyeelete kuyaako kwaamba ayi nkaboneshe na ncakwiila milandu njendakanyumfwa njancinencine.”
Ncakwiila ndaboona mbuli mbobatoopenshekwa bantu bangu muIjipiti. Paceebo ceeco, ndaanyumfwa matongooshi abo, ono ndesa mukubapulusha. Kwesa ono, nkutume kuIjipiti.’
Mpeeke munjelo wa Mwaami Lesa wakamwaambila alimwi ayi, “Ono bulya wamiita, ulaakuba amwaana musankwa, ulaakumutumba ayi Ishimaeli ceebo Lesa wanyumfwa mapensho ako.
Lesa wakanyumfwa kulila kwa mwaana uyo. Lyalo kuswa kwiculu munjelo wakwe wakaambila Aga ayi, “Nciinshi cakupensha Aga? Utaloondi, Lesa wanyumfwa kulila kwa mwanaako.
Wakatolelela ayi, ‘Bona, bapeepe boonse batootanta mbamyuubimyuubi, mabalamabala, alimwi abacisekeleli. Ndime ntoolengesha ayi cicitike bobulya mukwiinga ndaboona shoonse Labani nshaatoocita kuli ndiwe.
Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”
Pabushiku mbomunya ubo, mwaami uyo wakaambila bene Ijipiti abo beshikusebensesha basha alimwi abene Isilaeli beshikubona basebenshinyinaabo ayi,
Mpomunyaawo bene Ijipiti beshikusebensesha basha alimwi abene Isilaeli beshikubona bashanyinaabo bakaya mukubalwiita ayi, “Mwaami Falawo waamba ayi teshi anoomupawo bwiisu.
Ono na mbocibete ubo, amundwiite nshila shanu, kwaamba ayi noomusebensela akutolelela kumusangalasha. Mwiibaluke alimwi ayi mwakasala mushobo uyu kuba waanu.”
Mpeeke twakalilila Mwaami Lesa ayi atucaafwe. Wakanyumfwa kulila kwesu akutuma munjelo uyo wakatukusha mucishi ca Ijipiti. Ono bulya tuli kuKadeshi, ndabala iyo ili kumanyinsa a cishi canu.
Mulapulusha baabo balibombya, sombi mulaboosha panshi abo balisumpula.
Kuswawaawo Jeowasi wakapaila kuMwaami Lesa. Lyalo Mwaami Lesa ndyaakabona mwaami wa bene Silya mbwaakalinga kulyatilila bene Isilaeli calunkutwe, wakumbula mipailo yakwe Jeowasi.
NoBaami baLesa mulishibwene shoonse ishi. Aboobo mutoomunibo anga tamushibwene. Ee, Nkambo, mutalitalamushi kuswa kuli ndime!
Kuswawaawo mwaami uyo watakalinga kwishi nabi comwi pali Josefu, wakatalika kulela mucishi ca Ijipiti.
“Boola kuli Esekiya, mutanjilili wa bantu bangu uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ntookushilika, lyalo pakwiinda nshiku shotatwe ukaye kuŊanda yangu.
kwaamba ayi nkeemikane pameenso abene Jelusalemu akubalwiita shintu shoonse nshemulumbaishishaawo. Nebo ndaakusangalala mukwiinga mwebo mwakampulusha.
Ee, kushomesha kwa Mwaami Lesa takucite kampenda. Kulibo anga ngusilifa wakeenshikwa mumunyumbi mankanda osanwe aobilo.
