Kulonga 3:6 - Baibo Busansulushi Bwa Libuku Ili

⁶ Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Kulonga 3:6 교차 참조

Luka 20:37

Pacikani ca cikupu cakalinga kunyaka, alakwe Mose wakatondesha ayi bafu balaakubushikwa mukwiinga wakabanda Lesa ayi, ‘NguLesa wakwe Abulaamu, wakwe Isaki alimwi awakwe Jakobo.’

Mateyo 22:32

‘Nebo ndime Lesa wakwe Abulaamu, Lesa wakwe Isaki alimwi aLesa wakwe Jakobo.’ Nkokwaamba ayi teshi Lesa wa bafu, sombi nguLesa wa boomi.”

Maako 12:26

Ono apalo pamakani akubushikwa kuswa kubafu, sa tamuna kubelengaawo mulibuku ndyaakalemba Mose pamakani a cikupu cakalinga kunyaka? Palya Lesa wakaambila Mose ayi, ‘Nebo ndime Lesa wakwe Abulaamu, Lesa wakwe Isaki alimwi aLesa wakwe Jakobo.’

Kulonga 4:5

Mwaami Lesa wakaamba ayi, “Anu ukacite bobulya kubene Isilaeli kwaamba ayi bakashome ayi Mwaami Lesa, Lesa wa bamashali babo bakulukulu, Lesa wakwe Abulaamu, Isaki alimwi aJakobo, wakaboneka kuli ndiwe.”

Milimo ya Batumwi 7:32

‘Ndime Lesa wa bamashali bako bakulukulu, Lesa wakwe Abulaamu, Isaki alimwi aJakobo.’ Lyalo Mose wakatutuma akuloonda cakwaamba ayi cakaala akulangaako.

Matalikilo 28:13

Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

1 Baami 18:36

Paciindi cakubenga mulambu wa macolesha, mulaluki Elija wakaya kucipaililo akupaila ayi, “NoBaami baLesa, baLesa bakwe Abulaamu, Isaki alimwi aJakobo, amulitondeshe ayi ndimwe baLesa ba bene Isilaeli alimwi ayi ndi musebenshi wanu. Amutondeshe alimwi ayi ndabamba shoonse ishi ceebo mwebo nobeene mwandwiita.

Boomboloshi 13:22

Mpeeke Manowa wakaambila mukaakwe ayi, “Ncakwiila tutoofwa ceebo twaboona Lesa.”

Jelemiya 32:38

Lyalo balaakuba bantu bangu, anebo ndaakuba Lesa wabo.

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Jelemiya 24:7

Kuswawaawo ndaakubapa moyo wakunshiba ayi ndi Mwaami Lesa. Balaakuba bantu bangu, anebo ndaakuba Lesa wabo, ceebo balaakupilukila kuli ndime amyoyo yabo yoonse.

Kulumbaisha 132:2

Amwiibaluke nobaLesa mbwaakashomesha, ee, mbwaakashomesha cakulumbila kuli ndimwe noBeshinkusu bakwe Jakobo.

1 Baami 19:13

Ngayi Elija ndyaakalinyumfwa, wakalifweka cisani ca peculu kumeenso akwe akuswa kuya mukwiimikana pamulyango wa cimfwengo. Liswi lyakaamba kuli Elija ayi, “Ino utoocitanshi kuno webo Elija?”

Kulonga 29:45

Lyalo ndaakwikala pakati ka bene Isilaeli akuba Lesa wabo.

Matalikilo 32:9

Mpomunyaawo Jakobo wakapaila ayi, “Lesa wa bakaapa baAbulaamu alimwi abaIsaki bata, amunkutike! Nkambo, mwakandwiita ayi mpiluke kucishi cine misheesu alimwi kuli beshikamukowa bangu. Mwakaamba ayi mulaakunyenshela kabotu shintu shoonse.

Matalikilo 31:42

Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”

Matalikilo 26:24

Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”

Matalikilo 17:3

Abulamu wakafukama akushisha ciwa panshi, lyalo Lesa wakaamba ayi,

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Matalikilo 12:1

Mwaami Lesa wakaambila Abulamu ayi, “Shiya cishi cine mishaanu, bamakwanu alimwi aŋanda ya baiso, uye kumusena ngweshi nkakutondeshe.

Bene Ebulu 12:21

Shintu shakacitika kukalundu aka shakalinga kuloondesha cakwaamba ayi Mose wakaamba ayi, “Ntootutuma ceebo ndaloonda!”

Milimo ya Batumwi 7:34

Ncakwiila ndaboona mbuli mbobatoopenshekwa bantu bangu muIjipiti. Paceebo ceeco, ndaanyumfwa matongooshi abo, ono ndesa mukubapulusha. Kwesa ono, nkutume kuIjipiti.’

Luka 5:8

Ndyaakabona boobo, Simoni Pita wakafukama kunembo lyakwe Jesu akwaamba ayi, “Amunshiiye Nkambo, mukwiinga ndimucita shibi!”

Mateyo 17:6

Ono bashikwiiya ndibakanyumfwa boobo, bakaloonda abuumbi cakwaamba ayi bakawa bufubeme.

Sekaliya 8:8

Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”

Esekelo 11:20

Lyalo balaakukonkela milasho yangu alimwi akunyumfwila milawo yangu cakushomeka. Balaakuba bantu bangu, anebo ndaakuba Lesa wabo.

Neyemiya 9:9

“Mwakabona mapensho a bamashali besu bakulukulu muIjipiti. Mwakanyumfwa kulila kwabo kuLweenge Lusalala.

Esita 3:4

Bushiku abushiku bakalinga kumwaambila pamakani aya. Sombi lakwe wakalinga kukaka kubanyumfwila. Modekayi wakabaambila ayi, “Nebo ndi muJuda. Aboobo shikoonshi kufukamina Amani, sobwe.” Lyalo bakaambila Amani makani ayo kwaamba ayi babone na inga wakondwa amicito yakwe Modekayi.

Bene Ebulu 11:16

Sombi cishi ncebakalinga kulangila cakalinga kwiindaawo kubota, cishi ca kwiculu. Aboobo, Lesa taanyumfwi nsoni pakumwiita ayi Lesa wabo ceebo ngowakabayakila andabala inene.

Matalikilo 24:12

Mpeeke wakapaila ayi, “NoBaami baLesa, baLesa ba baami bangu baAbulaamu, amunengeshe kukonsha kucita ncendeendela sunu akucita kweelana ambomwakashomesha baami bangu.

Kulonga 3:16

Koya ubunganye bamatanjilili ba bene Isilaeli boonse akubalwiita ayi nebo neMwaami Lesa, Lesa wa bamashali banu bakulukulu, neLesa wakwe Abulaamu, Isaki alimwi aJakobo ndakaboneka kuli ndiwe. Ubalwiite alimwi ayi ndesa akubona bene Ijipiti ncebatoocita kuli mbabo.

Kulonga 15:2

Mwaami Lesa ngoompa nkusu alimwi ndamwiimbila, mukwiinga ngomupulushi wangu. NgoLesa wangu, alimwi ntoomulumbaisha ngoLesa wa bata alimwi ntokwiimba pankusu shakwe.

Matalikilo 28:17

Wakaloonda akwaamba ayi, “Uno musena ulaloondesha abuumbi! Palyeelete kuba mpopaŋanda yakwe Lesa alimwi ngomwinjililo wakuya kwiculu.”

Kulonga 33:20

Teshi nkuboneshe ciwa cangu, ceebo taaku weenga wambona akutolelela kuba muumi,

Dutolonomi 6:3

Nobene Isilaeli, amwiikutike alimwi munooikonkela! Lyalo shintu shoonse shinanoomweendela kabotu alimwi mulaakuba mushobo unene akwikala mucishi ca bulongo bubotu, bweenka bwakashomesha Mwaami Lesa, Lesa wa bamashali banu bakulukulu.