12 Mpeeke Lesa wakamukumbula ayi, “Nebo ndaakunooli awebo, alimwi andyeshi ukanoobakusha mucishi ca Ijipiti, mulaakunambilila pakalundu aka. Ici cilaakuba cishibilo cakwaamba ayi ndime ndakutuma.”
Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.
Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.
Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.
Lyalo Mwaami Lesa wakaambila Joshuwa mwanaakwe Nani ayi, “Uyume akulishoma mukwiinga ndiwe weshi utanjilile bene Isilaeli kuya mucishi ncendakabashomesha cakulumbila, anebo nemwiine nanooli awebo.”
Lyalo Mwaami Lesa wakamwaambila ayi, “Koya kucishi ca bamashali bako bakulukulu, kubeshikamukowa bako. Nebo ndanooli awebo.”
Inga wabandikaakwe akumulwiita shakwaamba. Noonse nobilo ndaakumucafwaako kwaamba alimwi ndaakumulwiita shakucita.
Anu webo, koya bulya bweenka! Ndaakukucafwaako kwaamba alimwi ndaakukulwiita ashakwaamba.”
Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”
Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.
Nkusu sha Mwaami Lesa shakalinga ambabo alimwi bantu baanji bakashoma akusandukila kuMwaami Jesu.
Bashikwiiya bakaya cishimika Makani Abotu koonse koonse. Alakwe Mwaami wakabapa nkusu shakucita shaankamiko, kutondesha bantu ayi maswi akwe ngancinencine.]
Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”
Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.
Amuntondeshe cishibisho ca bubotu bwanu, kwaamba ayi balwani bangu baciboone akunyumfwa nsoni. Ceebo mwebo noBaami baLesa mwakancafwa akunkalika moyo.
Mpomunyaawo Isaya wakaambila mwaami Esekiya ayi, “Citondesho ca ceeco ceshi cikacitike nceeci. Mwaaka uno mulaakulya shilimenena. Mwaaka utoosa mulaakulya sheshi shikalimenene kuswa kuli nshisho, sombi mumwaaka watatu mukashange akutebula, mukashange myuunda ya minyansa akulyaako shisepo.
Na unyumfwe nsheshi banokwaamba utooyuminishikwa kubalwana.” Aboobo wakanyamuka amusebenshi wakwe kuya kufwaafwi amisumba ya balwani bakwe abo.
Mpomunyaawo munjelo wa Mwaami Lesa wakatondeka nkoli njaakalinga kucite mulyaansa lyakwe akwiishisha panyama acimaande. Mpeeke mulilo wakaswa mulibwe akutenta nyama iyo acimaande. Kuswawaawo munjelo wakashimingana.
Gidyoni wakakumbula ayi, “Na ncakwiila mwamfwita nkumbu amumboneshe citondesho cakwaamba ayi nshome ayi ndimwe Baami baLesa.”
Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”
Sombi Abulamu wakeepusha ayi, “NoBaami Beshinkusu shoonse, ino inga ndeshiba buyani ayi ncaangu?”
Sombi ndaakoombolosha akupa mulandu bantu abo mbweshi bakasebensele cabusha. Kuswawaawo balaakuswaamo mucishi ico alimwi balaakunambila mumusena uno.’
Bumwi bushiku, Mose wakalinga kweembela mbelele ampongo sha mupongoshi wakwe musankwa wiitwa ayi Jetulo, uyo wakalinga mupailishi wa kuMidyani. Mpeeke wakalansha litanga lya mbelele alimwi ampongo muluyanga tibili washika kuKalundu kasalalite kakwe Lesa ka Olebu.
Sombi Mose wakaambila Lesa ayi, “Ono na nkaye kubene Isilaeli akubaambila ayi, ‘Lesa wa bamashali banu bakulukulu wantuma kuli ndimwe,’ balo balaakunjipusha ayi, ‘Ino liina lyakwe ngani?’ Ono ndaakubalwiita ayinshi?”
Anu Jetulo, pantu pomwi amukaakwe Mose alimwi abana bakwe basankwa bobilo, bakesa muluyanga, kukalundu kasalalite uko Mose nkwaakalinga wayaka misumba.
Mwaami Lesa wakakumbula ayi, “Ndaakuya amwebo alimwi ndaakumupa nkusu shakukoma.”
Mose wakaambila bantu ayi, “Ono mulaakwishiba bobulya ayi nguMwaami Lesa wakantuma kucita shintu shoonse ishi alimwi ayi teshi kuyanda kwangu nemwiine, sobwe.
Taaku mapensho kubamulunyungu lwakwe Jakobo, taaku makatasho kubene Isilaeli. Mwaami Lesa, Lesa wabo uli ambabo, abalo beene baloolobesha ayi nguMwaami wabo.
Mpomunyaawo Mwaami Lesa wakamwaambila ayi, “Ndaakunooli andiwe, ulaakubacaya bene Midyani boonse cakufwambaana anga ngumuntu womwibo.”
Kutabaloonda ceebo ndanooli awebo alimwi ndanookufuna. Nebo ne Mwaami Lesa ndaamba.”
Kala muno, alimwi ndanooli awebo akukupa coolwe. Ndaakupa cishi coonse ici kuli ndiwe abamulunyungu lwako. Ndaakucita kweelana ambondakalasha iso Abulaamu.
Swebo tulyeelete kweenda nshiku shotatwe muluyanga kwaamba ayi tukabenge milambu kuMwaami Lesa, Lesa wesu, kweelana ambuli mbwaakatulwiita.”
Munjelo wa Mwaami Lesa wakaboneka kuli nguwe akumwaambila ayi, “Mwaami Lesa uli andiwe, webo oshinkusu utacite boowa.”
Sombi na baambe ayi, ‘Kamwisa kuno,’ tutooya mukwiinga ico citooba ncecitondesho ayi Mwaami Lesa wabaaba mumaanseesu.”
Kalekale Fineyasi mwanaakwe Eliyasa ngowakalinga mutanjilili wa beshikulindilila minjililo alimwi Mwaami Lesa wakalinga anguwe.
