Kulonga 22:29 - Baibo Busansulushi Bwa Libuku Ili

²⁹ “Mulyeelete kumpa shipo kuswa kushakulya shanu, waini wanu alimwi amafuta a olifi na ciindi cashikila. “Mulyeelete kumpa bana banu basankwa bakwiiya.

Kulonga 22:29 교차 참조

Kulonga 23:16

“Mulyeelete kusekelela Kutebula na ndyemwatalikabo kutebula shakulya shanu. “Kamuba akusekelela kwa Shimpaka ciindi ca cilimo, ndyemutebula shisepo mumyuunda ya minyansa alimwi aya shisepo shimwi.

Kulonga 13:2

“Amubenge baana basankwa bakwiiya boonse kuli ndime, mukwiinga mwaana musankwa wakwiiya woonse mwine Isilaeli alimwi amwaana musankwa woonse wakwiiya wa shifubwa, boonse mbaangu.”

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.

Kulonga 23:19

“Lyoonse pamwaaka mulyeelete kuleta kuŋanda ya Mwaami Lesa, Lesa wanu shakulya shiinditeewo kupya kabotu nshemutaanguna kutebula. “Mutateleki kana ka mpongo mumukupa wa banyina.

Bene Loma 8:23

Ono teeshibo shilengwa sheenka shipenga boobo, sobwe. Sombi aswebo sotucite aMushimu Usalashi uli ncecipo citaanshi ico Lesa ncaakatupa, tulapenshekwa abuumbi mumyoyo. Lyoonse tulalangila ayi Lesa akatutambule mbuli bana bakwe alimwi akupulusha mibili yesu.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Mika 7:1

Mbondapenga nebo nemucaangu! Ndababo anga ngumuntu uya cibweselela shisepo shakacaala mumuunda. Sombi taaku cisankata ca minyansa nabi comwi cakacaalaamo cakwaamba ayi inga ndalya, nabibo nkuyu isho nsheensuni abuumbi.

Kulonga 34:19

“Woonse mwaana musankwa wakwiiya ngwaangu pantu pomwi abaana basankwa bakwiiya ba shifubwa boonse,

Kulonga 13:12

anu mulyeelete kubenga mwaana musankwa woonse wakwiiya kuMwaami Lesa. Alimwi mwanaacifubwa canu coonse musankwa wakwiiya ngwa Mwaami Lesa.

Esekelo 20:40

Mucishi ico, pakalundu kangu kasalalite, ee, kalundu kalaamfu ka Isilaeli, mwebo nobene Isilaeli noonse mulaakunambila. Uko ndaakusangalala pali ndimwe alimwi uko mulaakunooyandika kuleta shipo shimwi, shipo shanu shipuseneeko alimwi amilambu yanu isalalite.

2 Makani 31:5

Ingayi bene Isilaeli banyumfwebo shakaamba mwaami, bakaleta nsomo sha shili anga ngamaila, waini, mafuta a olifi, buuci alimwi ashintu shimwi shiswa mumyuunda. Bakaleta ashalikumi sha buboni bwabo boonse.

2 Baami 4:42

Lyalo bushiku bumwi musankwa umwi wakaswa kuBaali Shalisha, wakaletela Elisha shinkwa wakalinga makumi obilo wakapangwa abale wakutaanguna mumwaaka uyo. Wakamuletela amitwi ya shili anga ngamaila. Elisha wakaambila musebenshi wakwe ayi ape likoto lya balaluki balye.

Kulonga 23:15

Mumweenshi wa Abibu, uyo ngomwakaswitamo muIjipiti, mulyeelete kusekelela kulya Cimaande akucita kweelana ambondakamwaambila. Munshiku shili shosanwe ashobilo shakusekelela uku, tamweelete kulya shinkwa nabi kwisa mukunambila maansabo.

Kulonga 34:20

Sombi mulyeelete kulubula mwanaambongolo wakwiiya kwiinda mukubengelawo mwanaambelele pamusena wa njiyo. Na mwabula kumulubula, mulyeelete kumutyola nshingo. Bana banu basankwa bakwiiya boonse mukanoobalubula. “Taaku muntu weelete kwisa kuli ndime kaatacite mulambu.

Shakubelenga 18:13

Shoonse shakulya nshebataanguna kutebula mucishi isho nshebapa ndime neMwaami Lesa, shilaakuba shaanu. Woonse muntu uli muŋanda yanu uyo usalalite kweelana aMilawo inga walyaako.

Bene Lefi 22:27

“Na moombe, mwanaambelele nabi mwanaampongo washalwa, ulyeelete kunooli anyina kwanshiku shosanwe ashobilo. Sombi kuswa pabushiku bwasanu ashotatwe, ulatambulwa ayi ngumulambu wa cakulya.

Dutolonomi 15:19

“Baana basankwa bakwiiya ba ŋombe aba mbelele mukababike palubasu ayi mba Mwaami Lesa, Lesa wanu. Tamweelete kusebensesha ŋombe ishi nabi kucesa mbelele ishi booya.