23 Na mwacita boobo, nebo neMwaami Lesa ndaakubakumbula na bakandilile ayi mbacaafwe.
Ono sa Lesa teshi akabacitile shiluleme bantu bakwe basalitwe abo bamusenga malumwi amashiku? Sa ulaakucelwa kubacafwa?
Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.
Bakalengesha bakandu kulilila Lesa alakwe wakanyumfwa kulila lucafwo kwabo.
Tamweelete kukaka kumukweletesha ncaasuni ayi mukwiinga mwaaka wakulekelela nkongole uli pafwaafwi. Muyeeyo uyu ubiibi tooelete kuba muli ndimwe. Na mwakaaka kumukweletesha, ulaakulilila kuMwaami Lesa, lyalo mwebo mukabe amulandu.
Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.
“Bantu na balyatililwa balatama. Balatamina umwi ayi abapulusheeko kubeshinkusu.
Abo bamulemeka ulabapa shoonse nshebasuni. Ulanyumfwa kulila kwabo akubafuna.
NoBaami baLesa, ndishi kwaamba ayi mulafuninina bakandu, akwiimikanina bataaku mbobabete ayi batanyengelelwi.
Lyoonse kamumufolesha maali ngaasebensela lisuba kalitana kwipila mukwiinga ngumukandu, aboobo mpopali moyo. Na mwabula kumufolesha, inga walilila Mwaami Lesa ceebo ca ndimwe, mpeeke mulaakuba amulandu.
mukwiinga ncecakufwala ca peculu ceenkabo ncaacite cakumufunako kumpewo. Ino inga walifwekanshi pakoona? Taaku. Ono na wandilila, ncakwiila ndaakumucafwa mukwiinga ndishinkumbu.
Ulabikaako maano kubamucaala akubamukalubinje kubona kwaamba ayi tabatoonyengelelwa. Baswamashi bekala pakati kesu ulibasuni alimwi ulabapa shakulya ashakufwala.
Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.
Ngumushali ulama bana banshiwa alimwi wiimikanina bamukalubinje. NguLesa uyo ukala mumusena wakwe usalalite.
Twaba bamucaala batacite bamaishiwabo, bamanyinawesu bacaala bumukalubinje.
