Kulonga 22:22 - Baibo Busansulushi Bwa Libuku Ili

²² Mutabi alunkutwe kumukalubinje mwanakashi nabi mwanaanshiwa.

Kulonga 22:22 교차 참조

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Dutolonomi 24:17

“Kuteelesha kunyengelela baswamashi nabi bana banshiwa mumilandu. Alimwi taaku weelete kubwesa cakufwala ca mukalubinje mwanakashi ayi ncakushomesha kwaamba ayi ulaakuboosha nkongole.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.

Sekaliya 7:10

Tamweelete kulita masuku pamitwi ya bamukalubinje, bana banshiwa, baswamashi mbomwikalaabo nabi bakandu. Mutanoopinga kucisa babyaanu.’

Esekelo 22:7

Muli ndiwe taamu nabi womwi uyo ulemeka baishi nabi banyina. Muli ndiwe bantu balacenjeeka baswamashi akupensha bana banshiwa alimwi abamukalubinje.

Isaya 10:2

Munshila iyo balalengesha bakandu kubula nkusu shakupabuka akushinkilisha milandu ya baabo balyatililwa ayi itoomboloshekwi cabululami. Pabamukalubinje abana banshiwa mpobashanina kasela kwiinda mukunoobanyaya buboni.

Dutolonomi 27:19

“ ‘Aashinganishikwe muntu uli woonse uyo unyengelela baswamashi, bana banshiwa alimwi abamukalubinje banakashi.’ “Mpeeke bantu boonse balaakwaamba ayi, ‘Ameni!’

Dutolonomi 10:18

Ulabikaako maano kubamucaala akubamukalubinje kubona kwaamba ayi tabatoonyengelelwa. Baswamashi bekala pakati kesu ulibasuni alimwi ulabapa shakulya ashakufwala.

Dutolonomi 24:18

Mulyeelete kwiibaluka ayi mwakalinga basha mucishi ca Ijipiti, ono Mwaami Lesa, Lesa wanu ngwakamufuna. Nceceeco ncendamupeta mulawo uyu.

Jobo 31:16

“Nshindakalinga kwiima bakandu nabi kuleka bamukalubinje kuya bupenga,

Tushimpi 23:10

Utaseenyi libwe likulukulu lya panyinsa nabi kunyaya bana banshiwa myuunda yabo

Tushimpi 23:11

ceebo Mwaami Lesa ngooshikubafuna ucite nkusu. Ncakwiila ulaakubeemikanina mumulandu wabo andiwe.

Jelemiya 7:6

Amucileeke kulita masuku pamitwi ya baswamashi, banabanshiwa alimwi abamukalubinje. Amucileeke kucaya bantu batacite milandu mucishi cino. Amucileeke kulambila balesa bamwi mukwiinga ico inga camulengesha kunyonyooka.

Jelemiya 7:7

Na mwacileka shintu ishi, ndaakumuleka ayi munookala mucishi ico ncendakapa bamashali banu bakulukulu ayi cibe cabo kwalyoonse alyoonse.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Dutolonomi 15:9

Tamweelete kukaka kumukweletesha ncaasuni ayi mukwiinga mwaaka wakulekelela nkongole uli pafwaafwi. Muyeeyo uyu ubiibi tooelete kuba muli ndimwe. Na mwakaaka kumukweletesha, ulaakulilila kuMwaami Lesa, lyalo mwebo mukabe amulandu.

Jobo 34:28

Bakalengesha bakandu kulilila Lesa alakwe wakanyumfwa kulila lucafwo kwabo.

Kulumbaisha 10:14

Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.

Kulumbaisha 34:7

Ee, munjelo wakwe ulatabilila bantu abo balemeka Mwaami Lesa, alakwe ulabafuna kushintu shiyoosha.

Tushimpi 22:23

Mwaami Lesa ulaakwiimikanina makani akwe akusaala buboni bwa baabo basaala buboni bwa mukandu.

Mateyo 23:14

Mapensho kuli ndimwe nobafundishi ba Milawo abaFalisi, mwebo nobantu nomwaamba nshemutaciti! Mulabwesa buboni bwa bamukalubinje banakashi akubeca kupaila mipailo ilaamfu. Paceebo ceeco, Lesa ulaakumoombolosha cankusu.]