Kulonga 20:8 - Baibo Busansulushi Bwa Libuku Ili

⁸ “Ingashila bushiku bwakookesha bwa Cibelu alimwi akubusalasha.

Kulonga 20:8 교차 참조

Bene Lefi 26:2

Kamulama nshiku shakookesha sha Shibelu alimwi akulemeka musena usalalite umo momunambilila. Nebo ndime Mwaami Lesa.

Bene Lefi 19:3

“Womwi awomwi ulyeelete kulemeka banyina abaishi, alimwi mulyeelete kulama inshiku shakookesha kweelana ambondamulwiita. Nebo ndime Mwaami Lesa wanu.

Matalikilo 2:3

Bushiku ubu wakabupa coolwe akubusalasha, mukwiinga mbobushiku mbwaakookesha kuswa kumulimo woonse wakulenga ngwaakacita.

Bene Lefi 23:3

“Mulicite nshiku shosanwe abomwi umo momweelete kusebensa milimo yanu, sombi mwiingashile bushiku bwasanu ashobilo, mbushiku bwakookesha. Pabushiku ubu tamweelete kusebensa, sombibo kubungana pantu pomwi ayi mulambile. Kuli koonse nkweenga kamwikala ubu mbushiku bwa Mwaami Lesa.

Bene Lefi 19:30

“Kamulama bushiku bwakookesha bwa Cibelu alimwi akulemeka musena wangu usalalite. Nebo ndime Mwaami Lesa.

Kulonga 23:12

“Musebense milimo yanu yoonse kwanshiku shosanwe abomwi munsondo, sombi pabushiku bwasanu ashobilo tamweelete kusebensa, kwaamba ayi basha banu alimwi abaswamashi bamusebensela bookeshe kubikaawo ashifubwa shanu shoonse.

Matalikilo 2:2

Pabushiku bwasanu ashobilo Lesa wakalinga kumanishite kale shoonse nshaakalinga kucita. Pabushiku ubo wakookesha.

Dutolonomi 5:12

“ ‘Ingashila bushiku bwangu bwakookesha bwa Cibelu alimwi akubusalasha kweelana ambondakaamba nebo neMwaami Lesa, Lesa wanu.

Neyemiya 9:14

Mwakabeeisha kusalasha bushiku bwakookesha bwa Cibelu. Kwiinda mumusebenshi wanu Mose mwakabapa milawo amilasho yanu.

Neyemiya 13:15

Munshiku isho ndakabona bantu bamwi mucishi ca Juda bakalinga kutyana minyansa pabushiku bwakookesha bwa Cibelu. Bamwi bakalinga kubika shili anga ngamaila, waini, minyansa, inkuyu ashimwi shintu pambongolo shabo akutola kuJelusalemu. Ndakabacenjesha ayi batanokuulisha cintu cili coonse pabushiku bwakookesha bwa Cibelu.

Isaya 56:2

Muntu ucita boobo ulicite coolwe. Ncakwiila uyo ukakatila mukucita boobo, uyo ulama bushiku bwakookesha bwa Cibelu cakutalilengesha kutasalala alimwi utasuminishi maansaakwe kucita bubi, ulicite coolwe.”

Jelemiya 17:22

Tamweelete kukusha mukuli mumaandaanu nabi kusebensa ncito ili yoonse pabushiku bwakookesha bwa Cibelu. Sombi bushiku ubo mulyeelete kubusalasha kweelana ambondakaambila bamashali banu bakulukulu.

Jelemiya 17:24

Ono na mwebo munoobika maano kukunyumfwila ndime akutanjisha mikuli paminjililo ya ndabala ino pabushiku bwakookesha bwa Cibelu nkokwaamba ayi na munoobusalasha mukutasebensa mulimo uli woonse,

Kulonga 31:12

Mpeeke Mwaami Lesa wakaambila Mose

Kulonga 35:1

Mpomunyaawo Mose wakabunganya bene Isilaeli boonse akubaambila ayi, “Mwaami Lesa waamba ayi mwebo mulyeelete kunookonkela milawo iyi,

Shakubelenga 15:32

Paciindi ico bene Isilaeli ndibakalinga kucili muluyanga, muntu umwi wakacanikwa kaatepa nkuni pabushiku bwakookesha bwa Cibelu.

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Jelemiya 17:21

Mwaami Lesa waamba ayi tamweelete kunyamuna mukuli pabushiku bwakookesha bwa Cibelu nabi kucinjisha paminjililo ya ndabala ya Jelusalemu.

Esekelo 20:20

Amulame bushiku bwangu bomwi abomwi bwakookesha bwa Cibelu ayi mbushiku busalalite kwaamba ayi bube keshibilo pakati kesu. Lyalo ndyeshi mukeshibe ayi nebo ndime Mwaami Lesa, Lesa wanu.