18 Kalundu ka Sinayi koonse kakalinga kuswitebo bwiishi mukwiinga Mwaami Lesa wakaselukila pali nkako mumulilo. Bwiishi bwakalinga kuya mwiculu anga mbwiishi bwa mumunyumbi alimwi kalundu koonse kakatenkaana abuumbi.
Tulundu twakatenkaana kunembo lya Mwaami Lesa, Lesa wa kuSinayi, ee kunembo lya Mwaami Lesa, Lesa wa kuIsilaeli.
NoBaami baLesa, amupansaanye liculu akuseluka. Amucate patulundu kwaamba ayi tusunte.
Lyalo Ŋanda yakwe Lesa yakesula bwiishi buswa kubulemu bwakwe Lesa alimwi ankusu shakwe. Taaku nabi womwi wakakonsha kwinjila muŊanda yakwe Lesa kushikila ndiyakamana myaalu ili yosanwe ayobilo yakaleta baanjelo bosanwe abobilo abo.
Nkomunya uko, munjelo wa Mwaami Lesa wakaboneka kuli nguwe anga ngumulilo mucikupu. Mose wakacibona kacinyaka, sombi tecakalinga kupya.
Ndakalanga kutulundu akubona ayi tutootenkana. Ncakwiila tulundu toonse twakalinga kushanashana.
Wakalangilisha Sodoma aGomola aliwesa lyoonse. Mpeeke wakabona bwiishi kabusunta anga butooswa mumunyumbi unene.
Na walangilisha cishi ca panshi acalo cilatenkaana. Na wakumya tulundu atwalo tulasunta.
Wakaamba ayi, “Mwaami Lesa wakaswa kuKalundu ka Sinayi. Wakaboneka anga ndisuba kuEdomu akumunikila bantu bakwe kuswa kuKalundu ka Palani. Wakesa abaanjelo bali shuulu likumi, kululyo lwakwe kwakalinga kunyaka mulilo.
“Iyi njemilawo Mwaami Lesa njaakamupa mwebo noonse ndimwakalinga kubungene kukalundu. Ono ndyaakaamba aliswi lya peculu kuswa mumulilo amakumbi ashiya mbi, wakapabo milawo yeenka iyi cakuteendilishaawo aimwi. Lyalo wakeelemba pamabwe obilo apampamene akwaapa ndime.
Paciindi ico, liswi lyakwe Lesa lyakatenkaanya cishi ca panshi, sombi bulya wakashomesha ayi, “Ndaakutenkaanya cishi alimwi, ono kuteshi cishi ceenka, sombi aliculu alyalo.”
Ono ceebo ca cilulumo ca maswi a baSelafu abo, shisamu sha kumulyango alwiimbi shakatenkaana. MuŊanda yakwe Lesa mwalo mwakesula bwiishi.
Lisuba ndilyakapila, lyalo pashiya, mupika wa mulilo wakalinga kusunta, acimunimweenge ca mulilo cakalinga kunyaka shakaboneka cakufwambaana akwiinda pakati ka mindando ya shipimpita sha banyama.
Sombi Bushiku bwakwisa kwa Mwaami, bulaakwisa anga ngumwiipi. PaBushiku ubo, liculu lilaakumana acoongo cinene, shintu shoonse sha kwiculu shilaakupya akunyonyoolwa, acalo cishi ca panshi ashintu shoonse shiliimo shilaakupya.
Mwebo tamuna kushika, mbuli bwakashika bene Isilaeli, kucintu nceenga bakumya mbuli kuKalundu ka Sinayi uko kwakalinga kunyaka mulilo, munshinshe unene, cipuupu,
Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.
Mushobo umwi ulaakubukila ubye, abwalo buleelo bulaakubukila bulelonyina. Kulaakuba nsala ashitentanshi mumisena ipusenepusene.
Lyalo mwebo mulaakuloboka akwiinda mucinyika ceenka ico ceebo cilaakuya mukushika akuAselo. Mulaakucica bweenka mbomwakacica ciindi cilya citentanshi ndicakacitika mubwaami bwakwe Usiya mwaami wa bene Juda. Kuswawaawo Mwaami Lesa ulaakwisa pantu pomwi abasalalite bakwe boonse.
Tenkaana webo ocishi ca panshi kunembo lya Mwaami Lesa. Ee, tenkaana kunembo lyakwe Lesa wakwe Jakobo.
Cilulumo canu cakanyumfwika mukapupuulwa, akubeka kwa mfula kwakatubya cishi coonse. Cishi cakatutuma akutenkaana kucitentanshi.
Ono bantu ndibakanyumfwa cilulumo alimwi akulila kwa lupeenga, akubona kubeka kwa mfula alimwi abwiishi bwakalinga pakalundu, bakatutuma kuboowa. Mpeeke bakeemikanabo palaale.
Muntu uyo ulyeelete kucaikwa kumabwe nabi kumuyasa mifwi, taaku nabi womwi weelete kumucata. Ici cilyeelete kubantu alimwi abanyama boonse, boonse balyeelete kucaikwa. Sombi na lupeenga lukaliile, bantu boonse bakatante pakalundu.”
alimwi ulaakulengesha mapensho anu amapensho esu kumana. Lesa ulaakucita boobo na Mwaami Jesu akaboneke kaaswa kwiculu abaanjelo bakwe bacite nkusu shiinji.
Nyenyeenshi yakacalula cilindi citeeli ici, mpeeke mwakaswa bwiishi ubo bwakalingabo anga butooswa mumunyumbi unene. Mumuni wa lisuba alimwi amuuwo shakaboolabo mbi ceebo ca bwiishi bwakalinga kuswa mucilindi citeeli.
Mpeeke Mwaami Lesa wakesa panshi mukubona ndabala inene acaanda cilaamfu ico cakayaka bantu abo,
Mose wakatanjilila bantu kuswa mumisumba yabo ayi bakakumane aLesa, lyalo bakeemikana mweela kalundu.
Ciilo macuunsa ukalibambile akunyamuka kwisa peculu lya Kalundu ka Sinayi mukukumana anebo.
Pakalundu palya Mwaami Lesa wakabandika kuli ndimwe mulomo amulomo mumulilo.
Ncakwiila inga cabota abuumbi na mwapasula liculu akwisa panshi. Tulundu inga twatenkaana kuboowa kunembo lyanu.
Wakamusuminisha kunyumfwa liswi lyakwe kuswa kwiculu kwaamba ayi amupe milasho, alimwi pano pacishi ca panshi wakamusuminisha kwaamba ayi mubone mulilo wakwe usalalite, akubandika kuli ndimwe mumulilo uyo.
KuKalundu ka Sinayi mwakaseluka kuswa kwiculu akwaamba abantu banu. Mwakabapa milawo ibotu akwiisha kululeme.
Mwaami Lesa wakapensula liculu akwisa panshi. Kuunshi kwa myeendo yakwe kwakalinga makumbi ashiya mbi.
NobaLesa mwakalosha mfula iinji abuumbi. Mwakalengesha cishi canu cakalinga camana ncito kuboolelwaamo.
Nshila yanu yakeenda mumaanshi, mukwakwa wanu wakapula pakati ka Lweenge, nakubi kwaamba ayi momwakalyata tamukwe kuboneka.
Tulundu tunene twakasotooka mbuli mpongo, tulundu tuniini atwalo twakasotooka mbuli bana ba mbelele.
Cishi coonse catenkaana ndyaakeemikana. Lyalo ndyaakalangilisha, mishobo ya bantu yakatutuma. Tulundu tukulukulu twakasekemuka. Atwalo tulundu tuniini tukulukulu twakawa ndyaakeenda munshila shakwe shikulukulu.
