Kulonga 18:21 - Baibo Busansulushi Bwa Libuku Ili

²¹ Sombi kwiilikaawo, ulyeelete kusala basankwa bamwi beenga basebensa mulimo wa butanjilili. Bamwi balyeelete kuba batanjilili ba bantu bali cuulu, bamwi mwaanda, bamwi makumi osanwe alimwi abamwi likumi. Bantu abo mbweshi ukasaale balyeelete kuba bantu balemeka Lesa, bashomeka alimwi batakoonshi kutambula mashinka kanwa.

Kulonga 18:21 교차 참조

Milimo ya Batumwi 6:3

Anu nobamakwesu, amusale basankwa bali bosanwe abobilo kuswa mulikoto lyanu, abo bashibikitwe ayi baliswite Mushimu Usalashi alimwi mbasongo kwaamba ayi tubape mulimo uyu.

Esekelo 18:8

Taakweleteshi maali ayi acaninewo mpindu, sobwe Ulalitalamusha kukucita shibiibi akoombolosha bweelete bantu batoopikishanya.

2 Samwelo 23:3

Lesa wa bene Isilaeli waamba, Mwaandami wa bene Isilaeli wandwiita ayi, ‘Mwaami weendelesha bantu mubululami, uyo weendelesha cakuloonda Lesa,

1 Timoti 3:3

Taaelete kuba cakolwa, nabi mukali, sombi mubombu, shiluumuno, utasunishi maali.

Sekaliya 8:16

Ono shintu nshemweelete kucita nsheeshi. Kamwaamba calushinisho kumuntu womwi awomwi. Kamoombolosha cakutanyengelela munkuta kwaamba ayi kube luumuno.

Sekaliya 7:9

“Kalekale ndakapa milawo iyi kubantu bangu ayi, ‘Mulyeelete koombolosha cakutanyengelela, kutondesha luse akunyumfwila nkumbu muntu womwi awomwi.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Jelemiya 5:1

“Amwiindaane mumikwakwa ya muJelusalemu. Mucenceente akubona. Mulangoole mumansa sha njiyo. Na mucane muntu nabi womwi ushomeka alimwi uyandoola lushinisho, ngayi ntoolekelela ndabala ya Jelusalemu.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Tushimpi 28:2

Na cishi kacicite baashu cilaba abaleli baanji, sombi muntu ucite maano akunyumfwisha shintu alushibo ulalelabo caluumuno.

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Jobo 31:13

“Na ndakakaka kukutika musebenshi wangu musankwa nabi mwanakashi ciindi ndyaakalinga kunoontongookila,

Jobo 29:16

Ndakalinga mbuli mushali kubakandu, alimwi ndakalinga kucafwa beensu mumakatasho abo.

Neyemiya 7:2

Ndakabika mukwesu Anani kunokweendelesha Jelusalemu pantu pomwi aAnaniya mutanjilili wa ciyubilo ca bashilumamba. Ananiya wakalinga muntu ushomeka alimwi ulemeka Lesa kwiinda bantu bamwi boonse.

Neyemiya 5:9

Mpomunyaawo ndakatolelela akwaamba ayi, “Ncemutoocita ncibiibi. Sa tamweelete kuloonda Lesa wesu akucita shiluleme kwaamba ayi mutakacoboolwi kubaswamashi bakunsengwe balwani besu?

1 Samwelo 8:3

Ono tebakalinga kweensha mulimo uyo kweelana ambobakalinga kubona baishiwabo kabacita. Balo bakalinga kusunibo kucana maali. Aboobo bakalinga kutambula makulo akoombolosha cakunyengelela.

Kulonga 18:25

Wakasala basankwa beenga basebensa kuswa pabene Isilaeli boonse. Wakabasala ayi babe batanjilili ba bantu, bamwi ba bali cuulu, bamwi mwaanda, bamwi makumi osanwe alimwi abamwi ba bali likumi.

Matalikilo 22:12

Munjelo wakaamba ayi, “Utaciisi nabi kucita cili coonse kumwanike uyo. Ono ndeshiiba kwaamba ayi ulalemeka akunyumfwila Lesa ceebo tookwe kumamatisha mwanaako eenkabo kwaamba ayi utamubengi kuli nguwe.”

Milimo ya Batumwi 20:33

Nshina kuyandawo kale kubwesa maali nabi cakufwala ca muntu umwi kwiinda mulunkumbwa.

Isaya 59:4

Taaku nabi womwi ulilila koombolosha kululeme alimwi taaku waamba mulandu wakwe kunkuta mulushinisho. Boonse balacinka manungo mukwaamba uko kutaaku mbokubete, kwaamba kwabubeshi. Balamita makatasho akutumbuka bubi.

Isaya 33:15

Ngooyo weenda cakubula kampenda akwaamba shintu shiluleme. Ngooyo ukaka mpindu yabupambi, utasuni kutambula makulo utasuni kuteya matwi kubaabo bapangana shabucayi alimwi utasuni kulansha meenso akwe pabubi.

Matalikilo 42:18

Pabushiku bwatatu Josefu wakabaambila ayi, “Nebo ndimuntu uloonda Lesa, ono teshi mucaaye na mucite cintu comwi.

Luka 18:4

Nshiku shakafulabo moomboloshi uyo kaakaka, sombi pesule wakalyaamboosha mwiine ayi, ‘Nakubi kwaamba ayi nshiloondi Lesa nabi kulemeka muntu,

Luka 18:2

Wakaamba ayi, “Kwakalinga moomboloshi mundabala imwi watakalinga kuloonda Lesa nabi kulemeka muntu.

Isaya 16:5

Kuswawaawo cuuna ca bwaami cilaakutulwa mulusuno. Wamulunyungu lwakwe Defedi womwi ulaakukalaawo cakushomeka. Lakwe ulaakunokoombolosha cakutanyengelela. Ncakwiila ulaakunoobilemebo kucita bululami.

1 Baami 18:12

Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

1 Baami 18:3

Aboobo Aabu wakeeta Obadiya, uyo wakalinga munene kuŋanda ya bwaami. Ono Obadiya uyo wakalinga kulambila abuumbi Mwaami Lesa.

1 Samwelo 8:12

Bamwi balaakunooba bamatanjilili ba bashilumamba bali cuulu, bamwi ba bali makumi osanwe. Bana banu basankwa balaakunoolima myuunda yakwe, kwiitebula akupanga sheensho ashisebensesho sha beshikulwanina mushikoci sha maaki.

Joshuwa 22:14

Fineyasi wakaya abamatanjilili ba mikowa iyo yakacaala kumbo bali likumi. Boonse womwi awomwi kaaimikanina bamuŋanda ya bamushipani sha bene Isilaeli.

Shakubelenga 10:4

Sombi na kwalilabo lupeenga lomwi, ingayi mbamatanjilili ba shipani sha mumikowa beenkabo beelete kubungana kunembo lyako.

Matalikilo 47:6

cishi ca Ijipiti ncabo. Basuminishe bekale mumusena wa Gosheni, musena wiindaawo kubota mucishi cino. Alimwi na pali basankwa bakonsha kulama shifubwa, ubape bweendeleshi bwa shifubwa shangu.”

Shakubelenga 1:4

Musenge musankwa womwi mutanjilili wa mucipani ca mumukowa kuswa mumukowa uli woonse, ayi amucafweeko.”

Shakubelenga 1:16

Basankwa aba mbobakabandwa kuswa pakati ka bene Isilaeli, bamatanjilili ba mikowa ikulukulu. Bakalinga mbobamatanjilili ba bashipani sha mumikowa ya bene Isilaeli.

Dutolonomi 22:18

Lyalo bamaloba abo balaakutola musankwa uyo mukumuuma.

Esila 7:25

“Ono webo Esila, mukusebensesha busongo bwakakupa Lesa wako, usale bamatanjilili aboomboloshi ayi beendeleshe bantu boonse bakwitala lya Mulonga wa Yufuletisi, abo bekala kweelana aMilawo ya Lesa wako. Ulyeelete kwiisha uyo woonse uteshi Milawo iyo.

Jobo 1:1

Mucishi ca Usi mwakalinga muntu wakalinga kwiitwa ayi Jobo. Musankwa uyu taakalinga kucitewo kampenda nabi komwi alimwi wakalinga kululeme. Wakalinga kulemeka Lesa alimwi wakalinga kushomeka kuli nguwe.

Kulumbaisha 15:1

NoBaami baLesa, anu ngani weenga wekala muŊanda yanu? Anu ngani weenga wakonsha kwikala pakalundu kanu kasalalite?

Kulonga 17:9

Lyalo Mose wakaambila Joshuwa ayi, “Sala basankwa bamwi kwaamba ayi bakaye mukulwana abene Amaleki ciilo. Nebo ndaakwiimikana peculu pakalundu, kaancite ankooli iyo Lesa njaakandwiita ayi nyamune.”

2 Samwelo 18:1

Ono Defedi wakabunganya bantu abo mbwaakalingaabo akusala bamatanjilili ba bashilumamba bali shuulu aba bali myaanda.