Kulonga 18:1 - Baibo Busansulushi Bwa Libuku Ili

¹ Ono mupongoshi wakwe Mose musankwa wiitwa ayi Jetulo, mupailishi wa mucishi ca Midyani, wakanyumfwa shoonse Mwaami Lesa nshaakacitila Mose alimwi abene Isilaeli ndyaakabatanjilila kubakusha mucishi ca Ijipiti.

Kulonga 18:1 교차 참조

Kulonga 3:1

Bumwi bushiku, Mose wakalinga kweembela mbelele ampongo sha mupongoshi wakwe musankwa wiitwa ayi Jetulo, uyo wakalinga mupailishi wa kuMidyani. Mpeeke wakalansha litanga lya mbelele alimwi ampongo muluyanga tibili washika kuKalundu kasalalite kakwe Lesa ka Olebu.

Kulonga 2:16

Lyalo banakashi bosanwe abobilo bana bakwe Jetulo mupailishi wa kuMidyani, bakaya kumukalo uyo mukuteka maanshi ayi besushe mankubala kwaamba ayi mbelele alimwi ampongo sha baishiwabo shinwe.

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

Sekaliya 8:23

Mwaami Lesa waamba ayi, “Munshiku isho baswamashi bali likumi balaakwisa kumuJuda womwi, kumucata kumupeto wa mungaanjo wakwe akwaamba ayi, ‘Katiya soonse mukwiinga twanyumfwa ayi Lesa uli awebo.’ ”

Kulumbaisha 106:2

Ngani weenga waambilisha milimo ya nkusu ya Mwaami Lesa? Ngani weenga wamulumbaisha mbwaaelete?

Kulumbaisha 105:43

Munshila iyi wakakusha bantu bakwe cakusangalala. Bantu abo mbwaakasala bakeemba akoolobesha cakukondwa.

Kulumbaisha 78:4

Teshi tukashishiseewo kubana besu. Tulaakulwiita lishalane litoosa pankusu sha Mwaami Lesa amilimo yakwe ya nkusu, kubikaawo ashaankamiko isho nshaakacita.

Kulumbaisha 44:1

NobaLesa, twakalinyumfwila amatwi esu, bamashali besu bakulukulu bakatulwiita milimo njemwakacita munshiku shabo.

Kulumbaisha 34:2

Nebo ndisangalete ceebo ca Mwaami Lesa. Bapengete abanyumfwe bakondwe.

Joshuwa 9:9

Lyalo bakamukumbula ayi, “Swebo sobasebenshi banu twaswa kucishi cili kulaale abuumbi ceebo twakanyumfwa mpuwo ya Mwaami Lesa, Lesa wanu. Twakanyumfwa shoonse nshaakacita mucishi ca Ijipiti,

Joshuwa 2:10

Twakanyumfwa mbuli Mwaami Lesa mbwaakayumya Lweenge Lusalala ayi musubuke paciindi ndimwakalinga kuswa mucishi ca Ijipiti. Twakanyumfwa ambomwakacaya Sioni aOgi, bamaami bobilo ba bene Amoli kwicwe lya Mulonga wa Joodani.

Bene Loma 15:18

Ndanookwaamba cakutashisaawo shoonse isho Klistu nshaacita kwiinda muli ndime kwaamba ayi baswamashi bakunsengwe banyumfwile Lesa. Ndakacita sheeshi kwiinda mumaswi alimwi amumicito,

Milimo ya Batumwi 15:12

Mpeeke likoto lya bantu lyakoomunabo tontolo, kalikutika Banabasi aPaulo ndibakalinga kusansulula shaankamiko ashitondesho sha nkusu sha kwiculu, Lesa nshaakacita pakati ka baswamashi bakunsengwe kwiinda muli mbabo.

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Kulumbaisha 105:5

Kamwiibaluka shitondesho sha nkusu sha kwiculu nshaakacita, shankamiko shakwe alimwi abupingushi mbwaakapa.

Boomboloshi 4:11

Muciindi ico Eba mwine Keni wakashiya bene Keninyina bamulunyungu lwakwe Obabu mulamu wakwe Mose. Wakaya mukuyaka misumba yakwe kufwaafwi aKedeshi pafwaafwi amubanga wa kuSananimu.

Shakubelenga 10:29

Mpomunyaawo Mose wakaambila Obabu mwanaakwe Luwelo mwine Midyani mupongoshi wakwe ayi, “Tuli pafwaafwi kuya kumusena uyo Mwaami Lesa ngweshi akatupe. Wakalasha kubilisha bene Isilaeli, anu kosa tuye soonse, alimwi tulaakubilila pantu pomwi awebo.”

Kulonga 4:18

Kuswawaawo Mose wakaboola kuli Jetulo mupongoshi wakwe musankwa, akumwaambila ayi, “Ndamukombelela ayi munsuminishe kuboolela kucishi ca Ijipiti mukubona bamakwesu na bacili boomi.” Jetulo wakasumina, akumulasha ayi eendebo kabotu.

Kulonga 2:21

Mpeeke Mose wakasumina kwikalaabo. Lyalo Jetulo wakamupa Sipola mwanaakwe ayi eebe.

Kulonga 2:18

Ndibakaboola kuli ishiwabo, wakabeepusha ayi, “Ino mwafwambaana buyani kuboola sunu?”

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Boomboloshi 1:16

Ono bene Keni bamulunyungu lwa mupongoshi wakwe Mose bakaya abene Juda kuswa kuJeliko, ndabala ya tupukupuku. Bakaya muluyanga lwa Juda kumalenge kufwaafwi aAladi uko nkobakaya mukwikala abene Amaleki.