7 Mpeeke musena uyu bakootumba ayi Masa alimwi ayi Meliba, mukwiinga bene Isilaeli bakatongooka alimwi akweelesha Mwaami Lesa ndibakaamba ayi, “Sa Mwaami Lesa ncakwiila uli aswebo nabi tau?”
Ndimwakalinga mumapensho mwakandilila, lyalo ndakamufuna. Ndakamukumbula kaandi mumakumbi a mfula. Ndakamweelesha kumaanshi a kuMeliba.
Mutabi beshicimpamya bweenka bwakacita bamashali banu bakulukulu kuMeliba, ee, bweenka mbobakacita abushiku bulya kuMasa muluyanga.
Cikani ici cakacitikila kuMeliba, uko bene Isilaeli nkobakatongookela Mwaami Lesa, alakwe nkwaakababoneshesha ayi ulisalalite.
“Mwebo, Mwaami Lesa, Lesa wanu mwakamukalasha alimwi ndimwakalinga kuTabela, kuMasa alimwi akuKibuloti Ataafa.
Paceebo ceeci bene Isilaeli bakatongookela Mose akwaamba ayi, “Tupe maanshi akunwa.” Mose wakabakumbula ayi, “Ino mutootongookelanshi? Mutokweelesheshanshi Mwaami Lesa?”
“Aloni teshi akenjile mucishi ico ncendakalasha kupa bene Isilaeli. Ulaakufwa mukwiinga mwebo nobilo tamukwe kunyumfwila mulawo wangu kuMeliba.
Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.
Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”
Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”
Mpeeke Fineyasi mwanaakwe Eliyasa mupailishi wakabaambila ayi, “Sunu tweshiiba ayi Mwaami Lesa uli aswebo mukwiinga tamukwe kucita ceeci mukufutatila Mwaami Lesa. Anu bulya bene Isilaeli mwabafuna kuswa kubukali bwa Mwaami Lesa.”
Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.
Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”
taaku nabi womwi pabaaba bantu eshi akashikeeko kucishi cilya. Bakabona bulemu bwangu alimwi ashaankamiko nshendakacita mucishi ca Ijipiti amuluyanga, sombi banjelesha lyobilo lyobilo akukaka kunyumfwila.
Mukwiinga mwebo nobilo noonse tamukwe kukonkela mulawo wangu muluyanga lwa Sini. Bene Isilaeli boonse ndibakatongooka ndime kuMeliba, tamukwe kunshoma cakundemeka ayi ndisalalite pameenso abo.” Ono Meliba nkantupu kali kuKadeshi muluyanga lwa Sini.
“Mutasunki Mwaami Lesa, Lesa wanu mbuli mbomwakacita kuMasa.
Kumukowa wakwe Lefi wakaamba ayi, “Mwebo noBaami baLesa, amuyubulule kuyanda kwanu kwiinda muli Ulimu aTumimu, kwiinda mubene Lefi basebenshi banu bashomeka. Ncakwiila mwakabasunka kuMasa, akubona ayi balashomeka kumaanshi a kuMeliba.
Bakasunka Lesa cakashanga, mukusenga shakulya nshebakalinga kusuni.
Ono amunyumfwe, nobantu bangu, nshentoomucenjesha. Mwebo nobene Isilaeli ndamusenga ayi munyumfwile.
Bantu aba bakakalasha Mwaami Lesa kutuntupu twa kuMeliba. Lyalo Mose wakaba amapensho ceebo ca bantu abo.
