Kulonga 16:28 - Baibo Busansulushi Bwa Libuku Ili

²⁸ Lyalo Mwaami Lesa wakaambila Mose ayi, “Ino mwebo nobantu mutootola ciindi cilaamfu buyani kamukaka kukonkela milawo amilasho yangu?

Kulonga 16:28 교차 참조

Kulumbaisha 78:10

Tabakwe kulama cipangano cakwe Lesa, bakakaka kukonkela milawo yakwe.

Kulumbaisha 106:13

Nakubi boobo bakafwambaana kuluba shoonse nshaakacita, akutalindila ayi abalwiite nshebeelete kucita.

Esekelo 20:13

“ ‘Nakubi boobo bene Isilaeli bakangashukila muluyanga. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

2 Baami 17:14

Sombi tabakwe kumunyumfwila. Ncakwiila bakalinga beshicimpamya mbuli bamashali babo bakulukulu abo batakwe kushoma muMwaami Lesa, Lesa wabo.

Shakubelenga 14:11

Mpomunyaawo Mwaami Lesa wakaambila Mose ayi, “Ino bantu aba batootola ciindi cilaamfu buyani kabankaka? Ino batootola ciindi cilaamfu buyani kabacikaka kushoma muli ndime, nakubi kwaamba ayi ndacita shaankamiko shiinji pali mbabo?

Maako 9:19

Lyalo Jesu wakakumbula ayi, “Mwebo nobantu nomutacite lushomo! Anu nkale anu ciindi cilaamfu buyani? Anu nindilile ciindi cilaamfu buyani kwaamba ayi mushome? Amumulete kokuno.”

Esekelo 20:16

Ndakacita boobo ceebo bakaka milawo yangu, tabakwe kukonkela milasho yangu, bakabisha bushiku bwangu bomwi abomwi bwakookesha bwa Cibelu mukwiinga bakabika myoyo yabo kushibumbwabumbwa shabo.

Esekelo 5:6

Nakubi boobo ceebo cakubisha kwa bamundabala iyo bakaashukila milawo amilasho yangu kwiinda mishobo imwi ashishi isho shibashingulukite. Ncakwiila bakakaka milawo yangu alimwi tabakwe kukonkela milasho yangu.

Jelemiya 9:6

Mulishiite pakati ka bubeshi. Mububeshi bwabo balakaka akunshiba, nebo neMwaami Lesa ndaamba.”

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Isaya 7:13

Mpomunyaawo Isaya wakaamba ayi, “Kutika ono webo owamulunyungu lwakwe Defedi! Sa kupensha bantu uku nkomucita teshi kuunji? Ono sa utooyanda kupensha aLesa wangu?

Isaya 7:9

Cishi ca Isilaeli taciindiwo nkusu paSamaliya ndabala inene iindaawo ya ncico. Ayalo ndabala ya Samaliya tayiindiwo nkusu pamwaami Peka mwanaakwe Lemaliya. Ono na awebo ubule kuyuma mulushomo, ncakwiila teshi ukakomewo, sobwe.’ ”

Kulumbaisha 78:22

Shakacitika mukwiinga tabakwe kumushoma nabi kucinka manungo mulupulusho lwakwe.

Shakubelenga 20:12

Sombi Mwaami Lesa wakakalalila Mose aAloni akwaamba ayi, “Mukwiinga tamukwe kunshoma cakundemeka ayi ndisalalite pameenso abene Isilaeli, anu teshi mukabatanjilile kuya mucishi ncendakalasha kubapa.”

Kulonga 10:3

Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

Kulonga 16:27

Nacibi boobo bantu bamwi bakalinga kuya ayi bakabwese shakulya pabushiku bwasanu ashobilo, sombi tebakalinga kushicanaawo.

Kulonga 16:29

Mulyeelete kwiibaluka ayi nebo neMwaami Lesa ndakamupa bushiku bwakookesha bwa Cibelu, nceceeco nceshi noomupeta shakulya shikumana nshiku shobilo lyoonse pabushiku bwasanu abomwi. Muntu woonse ulyeelete kwikala kweenka nkwaabete pabushiku bwasanu ashobilo, alimwi teelete kushiya musumba wakwe.”

2 Baami 17:15

Bakakaka milasho yakwe yoonse acipangano ico ncaakapanga abamashali babo bakulukulu alimwi akucenjesha uko nkwaakabapa. Bakalinga kulambila shibumbwabumbwa shitacite ncito abalo bakaba bantu batacite ncito. Bakakonkela bwikaalo bwa bantu bakalinga kubashingulukite nabi Mwaami Lesa wakabaambila ayi, “Mutanoocita isho nshebacita.”