21 Macuunsa lyoonse, muntu womwi awomwi wakalinga kubwesa shinkwa ngwaakonsha kulya. Ono na lumwi lwabala bunene, shoonse shakalinga kucaala panshi shakalinga kusunguluka.
Ceebo Lesa wakaamba ayi, “Muciindi ceelete kwaamba ayi mupe coolwe, ndakamunyumfwa. Bushiku bwakwaamba ayi nebo mupulushe, ndakamucafwa.” Amunyumfwe ono! Bulya nceciindi cakwaamba ayi Lesa ape bantu coolwe! Buno mbobushiku bwakupulushikwa!
Jesu wakabaambila ayi, “Mumuni ucili amwebo ciindi ciniinibo. Amweende, mumuni kauciliiko kwaamba ayi munshinshe utesi pali ndimwe. Mukwiinga uyo woonse weenda mumunshinshe taashibi nkwaatooya.
Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.
Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”
Mulimo woonse wapolela mumaansaako, usebense cankusu mukwiinga mucuumbwe momutooya taaku kusebensa, kupanga miyeeyo, lushibo nabi busongo.
Sombi bamwi tabakwe kunyumfwila Mose, aboobo bakashiyaawo. Ndibwakaca bakacana kamweendabo mapila alimwi akununka abuumbi. Mose bantu abo wakabakalalila.
Pabushiku bwasanu abomwi, palo bakalinga kubwesa wanshiku shobilo, nkokwaamba ayi malita one pamuntu womwi. Bamatanjilili boonse ba bene Isilaeli bakesa kuli Mose mukumulwiita pacikani ici.
