Kulonga 15:22 - Baibo Busansulushi Bwa Libuku Ili

²² Kuswawaawo Mose wakatanjilila bene Isilaeli kuswa kuLweenge Lusalala kuya muluyanga lwiitwa ayi Sheli. Bakeenda nshiku shotatwe muluyanga, sombi tabakwe kucanawo maanshi.

Kulonga 15:22 교차 참조

Matalikilo 16:7

Ono munjelo wa Mwaami Lesa wakakumanya Aga pakantupu muluyanga, munshila iya kuSheli

1 Samwelo 15:7

Saulo wakalwana bene Amaleki, kubakusha kuAfila tibili akuSheli kwicwe lya Ijipiti.

Matalikilo 25:18

Bamulunyungu lwakwe Ishimaeli bakalinga kwikala mucishi cakalinga pakati ka Afila aShuwa kwicwe lya Ijipiti na utooya kuAsilya. Bakapansaana kwikala abamulunyungu lwakwe Abulaamu bamwi mukwiinga bakalinga kupatene.

Kulonga 3:18

“Ono balaakukunyumfwila. Kuswawaawo ulyeelete kuya abamatanjilili ba bene Isilaeli kumwaami wa mucishi ca Ijipiti akumwaambila ayi, ‘Mwaami Lesa, Lesa wa bene Ebulu waliyubulula kuli ndiswe. Ono bulya tutoomusenga ayi mutusuminishe kweenda nshiku shotatwe muluyanga kwaamba ayi tukabenge kuMwaami Lesa, Lesa wesu milambu.’

Matalikilo 20:1

Abulaamu wakalonga kuMamule kuya kumalenge a Kenani akwikala pakati ka Kadeshi aSheli. Mukuya kwanshiku ndyaakalinga kwikala muGela,

Shakubelenga 33:8

Lyalo kuPi Ailoti bakaswaako akwiinda muLweenge Lusalala kuya muluyanga lwa Shuli. Ndibakeenda kwanshiku shotatwe bakayakila misumba kuMala.

1 Samwelo 27:8

Muciindi ico Defedi abantu bakwe bakalinga kuya mukusaala shintu sha bene Geshuli, bene Gesi alimwi abene Amaleki. Bantu abo kalekale mbobakalinga kwikala mucishi ico kuya mukushikabo akuSheli mucishi ca Ijipiti.

Kulumbaisha 77:20

Mwakatanjilila bantu banu anga nditanga lya mbelele, Mwakabatanjilila kwiinda muli Mose aAloni.

Kulumbaisha 78:52

Lyalo wakakusha bantu bakwe anga ngumweembeshi, akubatanjilila muluyanga anga nimbelele.

Kulumbaisha 78:53

Wakabatanjilila kabotu cakwaamba ayi boowa bwakamana, sombi balwani babo lweenge lwakesa lwabafwekelesha boonse.

Kulumbaisha 136:16

Wakatanjilila bantu bakwe muluyanga, ee, mukwiinga lusuno lwakwe ndwamuyayaya.

Kulonga 17:1

Mpomunyaawo bene Isilaeli boonse bakaswa muluyanga lwiitwa ayi Sini, kabaya bweenda kuswa kumusena umwi akuya kumwi, kweelana ambwaakalinga kubalwiita Mwaami Lesa. Ndibakashika kuLefidimu, bakayaka misumba sombi tekwakalinga maanshi akunwa.